औषधि खरिदका लागि २० करोड पठाइने

 हेल्थ टुडे

काठमाडौं, १४ पुष:  स्वास्थ्य मन्त्री दीपक बोहोराले देशका विभिन्न भागमा देखिएको औषधि अभावको समस्या समाधान गर्नका लागि तत्काल २० करोड रुपैया स्थानिय निकायमा पठाइने बताएका छन् । यो रकमले तत्काल देखिएको औषधि अभाव हट्ने र भविश्यमा औषधि खरिदका लागि भरपर्दो योजना बनाइने मन्त्री बोहोराले बताए । पहिलो पटक जिल्ला स्तरका स्वास्थ्य संस्था स्थानिय निकायको जिम्मा दिएकोले केही अलमल भएर औषधि अभाव देखिएको हुन सक्ने बताउदै मन्त्री बोहोराले सकेसम्म स्थानिय स्वास्थ्य समस्या स्थानिय सरकारले नै हल गर्नु उत्तम हुने बताए । स्थानिय स्तरबाट हल हुन नसक्ने समस्याबाट स्वास्थ्य मन्त्रालयले हेर्ने हो, सबै कुराको लागि फेरि पनि स्वास्थ्य मन्त्रालयको मुख ताक्ने कुरा सोभनिय नहुने उनको भनाई छ ।

संविधानले स्वास्थ्य सेवालाई नागरिकको मौलिक हकको रुपमा अंगिकार गरेकाले स्थानिस सरकारले स्वास्थ्यलाई पहिलो प्राथमिकता दिएर काम गर्नु पर्ने उनको सुझाव छ । सरकारले न्यून आर्थिक अवस्था भएका मुटु, मिर्गौला र स्पाइनलका विरामीका लागि आजिवन प्रति महिना ५ हजार रुपैया भत्ता उपलब्ध गराउने निर्णय हिजो मात्र सरकारले गरेको बताउदै यसले ती विरामीको बाकी जिवन सहज हुने विश्वास व्यक्त गरे । चुनावी सरकारको स्वास्थ्य मन्त्री भएकाले थोरै समयमा धेरै काम गर्न नसकेपनि स्वास्थ्यमा थोरै भएपनि आफूले इटा थप्ने काम गरेको उनले दावी गरे ।