वार्ताद्वारा समस्याको समाधान खोज्न डा केसीलाई आग्रह

स्याङ्जा, ३२ असारः स्वास्थ्य तथा जनसंख्या राज्यमन्त्री पद्मा कुमारी अर्यालले वार्ताका माध्यमबाट समस्याको समाधान निकाल्न प्रा डा गोविन्द केसीलाई आग्रह गर्नुभएको छ ।
स्याङ्जा जिल्लालाई आइतबार पूर्ण खोप सुनिश्चित घोषणा गर्दै उहाँले समस्याको समाधान अनशन छोडी वार्तामा आएर मात्रै सम्भव भएको बताउनुभएको छ । राज्यमन्त्री अर्यालले अनशनरत प्राध्यापक डा केसीका माग उहाँले भने जस्तै कार्यान्वयन हुन सक्ने अवस्था नरहेको बताउनुभयो ।
जनताको हितका विरुद्धमा सरकारले कुनै पनि निर्णय गर्न नमिल्ने र नगर्ने भन्नुहुदै यमन्त्री अर्यालले प्र्राध्यापक डा केसीले दश वर्षसम्म मेडिकल कलेज खोल्न नपाउने माग गर्नुभएको छ, जुन सम्भव नभएको बताउनुभयो ।
राज्यमन्त्री अर्यालले सरकारले पाँच वर्ष्भित्र सर्वसाधारणले महसुस गर्ने गरी स्वास्थ्यमा पहुँच पु¥याएरै छाड्ने जिकिर गर्नुभयो । आफ्नो दरबन्दी जुन स्थानमा छ त्यहीँ बसेर कर्मचारीले जनताको सेवा गर्नुपर्ने भन्दै राज्यमन्त्री अर्यालले, जसले सरकारले खटाएको ठाउँमा जान मान्दैनन्न्, त्यस्ता कर्मचारीले बिदा लिएर बाटो खाली गरिदिनुपर्ने बताउनुभयो ।
जिल्लाका पाँच नगरपालिका र छ गाउँपालिकाका ९७ वडालाई पूर्ण खोप सुनिश्चित घोषणा गरिसकेपछि आज जिल्लालाई ५१ औँ पूर्ण खोप सुनिश्चित जिल्ला घोषणा गरिएको हो ।