उपचारको क्रममा युवतीको मृत्युपछि आफन्तद्वारा अस्पतालमा तोडफोड

हेल्थ टुडे,
बिर्तामोड,२७ जेठः पेट दुखेर उपचार गर्न झापाको बिर्तामोडस्थित कन्काई अस्पताल भर्ना गरिएकी युवतीको मृत्यु भएपछि आफन्तले आइतबार दिउँसो अस्पतालमा तोडफोड गरेका छन् । तोडफोड रोक्न प्रहरीले तीन राउण्ड अश्रु ग्यास प्रहार गरेको थियो । प्रहरीको लाठीचार्जबाट केही प्रदर्शनकारी घाइते भएका छन् ।

इलामको सूर्योदय नगरपालिका–९ फिक्कलकी २१ वर्षीया विविता तामाङको चिकित्सकको लापरवाहीका कारण मृत्यु भएको भन्दै आफन्त तोडफोड गरेका हुन् । पेट दुखेर सामान्य अवस्थामा भर्ना भएकी राईलाई अस्पतालले आइसियुमा राखेको थियो । आइतबार बिहान विराटनगरस्थित नोबेल अस्पताल रेफर गरिएकी राईलाई नोबेलका चिकित्सकले मृत घोषणा गरेका थिए ।

मृत्यु भइसकेपछि कन्काईले नोबेल रेफर गरेको आफन्तको आरोप छ । मृतककी दिदी सम्झना राईले बैनीलाई चिकित्सकले करेन्ट लगाएर मारेको दाबी गरेकी छन् । उनका अनुसार अस्पतालले विविताको आँखामा टेप लगाएको अवस्थामा नोवेल रेफर गरेको थियो ।