विपद्को समय औषधि तथा अन्य स्वास्थ्य सहयोगको लागि स्वास्थ्य मन्त्रालयले तोक्यो सम्पर्क व्यक्ति

हेल्थ टुडे,
काठमाडौ,२८ असारः स्वास्थ्य तथा जनसंख्या मन्त्रालयले देशमा विभिन्न ठाउँमा आईरहेको बाढी पहिरोको कारण आउन सक्ने महामारी र विपद्को समय आवश्यक पर्ने औषधि तथा अन्य स्वास्थ्य सहयोगका लागि संघ र प्रदेशमा सम्पर्क व्यक्ति तोकेको छ । मन्त्रालयले बाढी तथा पहिरोका कारण आउन सक्ने महामारी तथा आवश्यक पर्ने स्वास्थ्य सेवाको व्यवस्थापनका लागि संघ र प्रदेशमा गरी ११ जना सम्पर्क व्यक्ति तोकेको हो ।
मन्त्रालयको स्वास्थ्य आपतकालिन कार्यसंचालन केन्द्रले विपद् प्रकोप पूर्व तयारी एवं समन्वय तथा व्यवस्थापनका लागि आपतकालिन सम्पर्कका संघमा ४ जना र प्रत्येक प्रदेशमा एक÷एक जना गरी ११ जना सम्पर्क व्यक्तिको नाम र नम्बर सार्वजनिक गरेको छ । जसअनुसार मन्त्रालयका डा. दिपेन्द्र रमण सिंह, चुडामणि भण्डारी, डा. विवेक कुमार लाल, डा. प्रकाश शाह, प्रदेश १ मा केशु काफ्ले, प्रदेश २ मा डा. विजय कुमार झा, प्रदेश ३ मा गोपाल बजगाईं, गण्डकी प्रदेशमा डा. भोजराज गौतम, प्रदेश ५ मा डा. उमा शंकर चौधरी, कर्णाली प्रदेशमा चेतन निधि वाग्ले र सुदुरपश्चिम प्रदेशमा रमेश मलाशी रहेका छन् ।

मन्त्रालयले आवश्यक औषधि र स्वास्थ्य सहयोग चाहिए उल्लेखित व्यक्तिसंग सम्पर्क गर्न आह्वान समेत गरेको छ । मन्त्रालयको सूचनाः–