हेल्थ टुडे,
काठमाडौं, २४ जेठ : सुदूरपश्चिम प्रदेशमा आज ११ जनामा थप कोरोना संक्रमण पुष्टि भएको छ । सेती प्रादेशिक अस्पतालको प्रयोगशाला, धनगढीमा गरिएको पिसिआर परीक्षणबाट शनिबार थप ११ जनामा कोरोना संक्रमण भएको पाइएको हो । संक्रमण हुनेमा ६ जना बझाङका, ३ जना कञ्चनपुर, एक जना अछाम र एक जना कैलालीका रहेका छन् । आज पुष्टि भएकाहरु मध्ये बझाङ छन्नाका ७०, ५७, ३८ र २५ बर्षिय पुरुष छन भने ४०।४० बर्षिय दुई जना महिला छन् । त्यसैगरि कञ्चनपुरका ३८,१८ र ३८ बर्षिय पुरुष गरि ३ जनालाई कोरोना पोजेटिभ देखिएको सेती प्रादेशिक अस्पताल धनगढीले जनाएको छ । अछामकी ५२ बर्षिय महिला र कैलालीकी ५५ बर्षिय महिलामा पनि कोरोना पोजेटिभ देखिएको छ । सुदूरपश्चिम प्रदेशमा यो संगै कोरोना संक्रमितको संख्या १०२ पुगेको छ । कोरोना पोजेटिभ देखिएका मध्ये अधिकांश भारतबाट फर्किएका हुन । सुदूरपश्चिम प्रदेश भरिमा एक मात्र प्रयोगशाला भएकाले परीक्षणको दर बढ्न सकेको छैन । प्रयोगशालामा स्वाबको चाप बढेपछि पाँच दिनका लागि नयाँ स्वाब लिन रोक लगाइएको छ ।
