हेल्थ टुडे,
काठमाडौ, १३ असार : स्वास्थ्य तथा जनसंख्या मन्त्री मोहनबहादुर बस्नेतले सरकारी अस्पतालमा विपन्न, असहाय र बेवारिसे बिरामीको उपचार निःशुल्क गर्ने अभियालाई निरन्तरता दिएका छन् । उनको निर्देशन पछि विपन्नको उपचारका लागि भन्दै छ वटा संघीय अस्पतालले २०२८ वटा निशुल्क शैय्या छुट्याएका छन् ।
बुधबार मात्रै उपत्यकाका गंगालाल हृदयरोग केन्द्र, परोपकार प्रसूति गृह, कान्ति बाल र शुक्रराज ट्रपिकल तथा सरुवा रोग अस्पतालले पनि विपन्नका लागि शैय्या निःशुल्क दिने निर्णय गरेका छन् ।
मन्त्री बस्नेतका अनुसार बुधबार देखि कान्ति बाल अस्पतालले ६० शैय्या, परोपकार प्रसुति तथा स्त्री रोग अस्पतालले ४५० शैय्या, ट्रमा सेन्टरले १५० शैय्या र शहिद गंगालाल हृदय केन्द्रले ९० शैय्या निःशुल्क गर्ने निर्णय गरेका छन् ।
यसअघि नै वीर अस्पतालले आफ्नो ७०० शैय्या र कोशी अस्पतालले ३३० शैय्या विपन्नका लागि निःशुल्क हुने घोषणा गरिसकेका थिए ।
यो संगै अब विपन्नका लागि विभिन्न अस्पतालमा निःशुल्क घोषणा गरिएको शैय्याको संख्या २ हजार २८ पुगेको छ ।
मन्त्री बस्नेतले बिस्तारै अरु केन्द्रीय अस्पतालहरुमा पनि विपन्नका लागि निःशुल्क शैय्या थप्दै जाने बताए ।
उनले ती शैय्यामा रहेर उपचार गर्दा अन्य शुल्क पनि नलाग्ने बताए । शैय्या निःशुल्क गरेपछि अस्पतालहरु माथि पर्ने आर्थिक भार कम गर्ने केहि बजेट सम्बन्धीत अस्पतालले व्यवस्थापन गर्ने र अपुग रकम स्वास्थ्य मन्त्रालयले बेहोर्ने गरि काम भईरहेको मन्त्री बस्नेतले बताए ।
स्वास्थ्य उपचार पाउनु जनताको संवैधानिक अधिकार भएकाले बजेट अभाव भयो भन्दै सरकार पन्छिन नमिल्ने भएकाले यो निर्णय सबै अस्पतालहरुले कार्यन्वयन गरेरै छाडेने दावी मन्त्री बस्नेतले गरे ।
निजी अस्पतालहरुलाई पनि जिम्मेवार बनाउन नियम अनुसार उनीहरुले पनि कुल शैय्याको १० प्रतिसत शैया विपन्नका लागि निःशुल्क छुट्याउनु पर्ने नियम पनि कडाईका साथ आफूले लागु गराई रहेको मन्त्री बस्नेतले बताए ।
विपन्नको उपचारका लागि संघीय अस्पतालले छुट्याए २ हजार २८ वटा निशुल्क शैय्या
![विपन्नको उपचारका लागि संघीय अस्पतालले छुट्याए २ हजार २८ वटा निशुल्क शैय्या](http://healthtodaynepal.com/wp-content/uploads/2023/06/Ministryofhealthandpopulation-1616335179-2.jpg)
Leave a Reply