स्वास्थ्य मन्त्री बस्नेतद्वारा धौलागिरी अस्पतालको अवलोकन

हेल्थ टुडे,
बाग्लुङ, १७ फागुन : स्वास्थ्य तथा जनसंख्या मन्त्री मोहनबहादुर बस्नेतले बिहीबार बाग्लुङस्थित धौलागिरी प्रादेशिक अस्पतालको अवलोकन भ्रमण गरेका छन् । मन्त्री बस्नेतले अस्पताल अनुगमनका क्रममा अस्पतालमा उपचार गराइरहेका विरामीहरुले प्राप्त गरिरहेको उपचार सेवाका बिषयमा जानकारी लिएका थिए । उपचाररत विरामीसँग पनि मन्त्री बस्नेतले कुराकानी गरेका थिए । विरामीहरुले अस्पतालमा नर्सहरुको अभाव भएको गुनासो गरेका थिए । मन्त्री बस्नेतले एक हप्ताभित्रै १०० शैया भएका अस्पतालहरुले नर्सको पढाई गर्न मिल्ने नियम बनाउन लागेको जानकारी गराउदै जनशक्ति अभाव कम गर्न आफू लागिपरेको बताए । मन्त्री बस्नेतले अस्पतालका लागि आवश्यक पर्ने उपकरण उपलब्ध गराउने आश्वासन दिए । कार्यक्रममा अस्पतालका धौलागिरी अस्पतालका अधिकारीले अस्पतालले भोग्नु परेका समस्याका बिषयमा मन्त्री बस्नेतलाई जानकारी गराएका थिए । अस्पतालमा जनशक्ति अभाव रहेकाले चिकित्सक सहित नर्सको व्यवस्था गरिदिन मन्त्री बस्नेतलाई आग्रह गरेका थिए ।