बिएण्डसीका सञ्चालक दुर्गा प्रसाईंलाई पक्राउ गर्न जिल्ला जिल्ला प्रशासन कार्यालयको अनुमति, प्रसाईं फरार

हेल्थ टुडे,
काठमाडौं, २ पुष: जिल्ला जिल्ला प्रशासन कार्यालय भक्तपुरले बीएन्डसी अस्पतालका सञ्चालक विवादित दुर्गा प्रसाईंलाई अनुसन्धानका लागि पक्राउ गर्न अनुमति दिएको छ । प्रसाईले चिकित्सा शिक्षा आयोगका उपाध्यक्ष डा. श्रीकृष्ण गिरीले आफ्नो मेडिकल कलेजलाई सम्बन्धन दिनका लागि निवेदन दिनजादा २० करोड घुस मागेको आरोप लगाएका थिए । बिना प्रमाण आफ्नो मानहानी गरेको भन्दै चिकित्सा शिक्षा आयोगका उपाध्यक्ष गिरीले मानहानीको मुद्दा हालेका थिए । उक्त मुद्दामा अनुसन्धान र बयानका लागि प्रसाईंलाई पक्राउ गर्न अनुमति मागेको थियो । भक्तपुरका एसपी सविन प्रधानले पक्राउ गर्ने अनुमति जिल्ला प्रशासन कार्यालयबाट लिइएको बताए ।
२० करोड घुस मागेको आरोप लगाएपछि प्रसाईंविरुद्ध त्यही मुद्दामा पक्राउ गर्न अदालतले प्रहरीलाई अनुमति दिएको हो । अनुमतिलगतै प्रहरी भक्तपुरस्थित उनको निवासमा पुगेका थिए । प्रहरीका अनुसार प्रसाईं भने फरार छन् ।