छोरी र श्रीमतिले दिए दागबत्ती–विद्युतीय मेसिनबाट दाहसंस्कार

हेल्थ टुडे,
काठमाडौं, ५ असारः सोमबार निधन भएका वरिष्ठ न्युरोसर्जन डा उपेन्द्र देवकोटाको मंगलबार दाहसंस्कार गरिएको छ । डा देवकोटाको पार्थीव शरीरमा श्रीमती डा मधु दिक्षित देवकोटा तथा छोरीहरु मेघा, बसुधा र मञ्जरीले दागबत्ती दिएका छन् । डा देवकोटाको पशुपति आर्यघाटमा विद्युतीय मेसिनबाट दाहसंस्कार गरिएको हो ।
दाहसंस्कार गर्नु अघि डा देवकोटाकालाई श्रीमती र छोरीले दागबत्ती दिएका हुन् । उनीहरुले साढे ३ बजे दागबत्ती दिएका हुन् । पशुपति ल्याउनु अघि डा देवकोटालाई श्रद्धाञ्जलीका लागि बिहान ८ देखि १ बजेसम्म न्युरो अस्पतालको प्रांगणमा राखिएको थियो । डा देवकोटाको काजकिरिया पनि श्रीमती र छोरीहरुले ७ दिनमा सकिने गरि गर्ने जनाइएको छ ।
पित्तनलीको क्यान्सरबाट ग्रसित डा देवकोटाको बाँसबारीस्थित आफ्नै अस्पतालमा उपचारका क्रममा आज साँझ ५ बजेर ३५ मिनेट जाँदा निधन भएको हो ।
वि.सं २०१० साल पुस ४ गते जन्मेका डा देवकोटाले आफ्नो करिअरको ३४ वर्षको अवधिमा २५ हजार भन्दा बढीको शल्यक्रिया र १० लाख भन्दा बढी बिरामी जाँचेका डा देवकोटा क्यान्सरसँग पराजित हुनुभएको हो । डा देवकोटालाई पित्तवाहिनी नलीको क्यान्सर मेडिकल भाषामा बाइल डक्ट क्यान्सर (कोलान्जिओकार्सिनोमा) भएको थियो ।