एन्जियोग्राफी परिक्षण सेवा सुरु

हेल्थ टुडे,
बाके, १ साउनः नेपालगन्जको भेरी अञ्चल अस्पतालमा मुटुरोगको उपचार सेवालाई विस्तार गर्दै एन्जियोग्राफी परिक्षण सेवा सुरु गरिएको छ ।
अस्पतालका प्रमुख कन्सल्टेन्ट कार्डियोलोजिष्ट डा कृष्ण अधिकारी र डा बिपिन आचार्य, स्टाफ नर्स रेलुशा खत्री, रेडियो ग्राफर सीता राना क्षेत्री सहित ५ जनाको टोलीले कञ्चनपुर दोधाराका मुटु रोगी अशोक सुनारको एन्जियोग्राफी गरेर सेवा सुरु गरको हुन् ।
छाती दुख्ने, मुटुको चाल गडबडी भएका, ह्दयाघात भएका बिरामीहरुमा एन्जियोग्राफी गरेर मुटुको नशामा भएको अवरोध पत्ता लगाइने अस्पतालका प्रमुख कन्सल्टेन्ट कार्डियोलोजिष्ट डा अधिकारीले बताउनुभयो । एन्जियोग्राफीसँगै अस्पतालले मुटुका बिरामीहरुमा अस्थायी पेसमेकर राख्ने सेवा पनि सुरु गरिएको छ ।
अस्पतालमा क्याथ ल्याब जडान भएपछि अस्पतालले मुटुका बिरामीहरुको उपचार सेवालाई विस्तार गर्ने क्रममा एन्जियोग्राफी परीक्षण सेवा सुरु गरिएको हो । करिब ६ करोड ५० लाखको लागतमा क्याथ ल्याब जडान भएपछि अस्पतालले एन्जियोग्राफी र अस्थायी पेसमेकर राख्ने सेवा सुरु गरेको हो ।
भेरी अञ्चल अस्पतालले २०७३ साल देखि कार्डियोलोजीको ओपिडि संचालन गरे पछि गरे पछि लाभान्बित भएका बिरामीहरु एन्जियोग्राफी परिक्षण र अस्थायी पेश मेकर राख्ने सेवा बिस्तार भए पछि लाभान्बित भएका छन् । भेरी अस्पतालले एक जना बिरामीको एन्जियोग्राफी परिक्षण गरे बापत १२ हजार शुल्क लिने गरेको छ ।
भेरी अंचल अस्पतालमा आउने मुटुरोग सम्बन्धी बिरामी मध्ये करिब ७० प्रतिशत उच्च रक्तचाप सम्बन्धी बिरामी रहका छन । त्यसै गरी मुटुको नशा साधुरो भएका र हाड फेलर सम्बन्धी समस्या भएका बिरामीहरु पनि करिब १० ÷१० प्रतिशतको हारहारीमा छन् ।
अस्पतालले काठमान्डौ स्थित गंगालाल अस्पतालसंग सहकार्य गरेर क्याथ ल्याब जडान गरी गंगालाल अस्पतालले लिने बराबरकै शुल्क लिएर बिरामीहरुको एन्जियोग्राफी परिक्षण सेवा सुरु गरेको डा अधिकारीले बताउनुहुन्छ ।