नयाँ वसपार्कमा खुल्यो छाला तथा यौनरोग उपचार केन्द्र

राजधानीको गंगबुस्थित नयाँ वसपार्कसँगै छाला तथा यौनरोग उपचार केन्द्र खुलेको छ । इन्द्रजात्राको अवसर पारेर मंगलबारदेखि नयाँ वसपार्कसँगै ‘ सनराइज स्किन केयर ’ ले सेवा सञ्चालन गरेको हो । गंगबु क्षेत्रका स्थायी र अस्थायी बासिन्दालाई छाला, यौनरोग, कुष्ठरोग सहित सौन्दर्य सम्बन्धी उपचार सर्वसुलभ रुपमा उपलब्ध गराउन केन्द्रको स्थापना गरिएको छाला, यौन तथा सौन्दर्य विशेषज्ञ डा. शम्भू जोशीले बताए । उनका अनुसार स्थापनाको अवसरमा एक हप्तासम्म जाँच तथा परामर्श सेवा निशुल्क उपलब्ध गराइने छ ।

छाला, नङ र कपाल प्रत्यारोपण सेवा पनि केन्द्रले चाडै सुरु गर्ने गरि तयारी गरेको छ । पछिल्ला दिनमा धुलो, मैलो, वातावरण प्रदुशणलगायतका कारण अधिकांशको छालामा समस्या देखिने गरेको पाइएको छ । राजधानीमा यौन व्यवासायीको बढ्दो संख्यासँगै यौन रोग र यौन समस्या पनि बढ्दै गइरहेको चिकित्सकहरु बताउछन् । राजधानीको गंगवुको नयाँ बसपार्कलाई यौन व्यवसायीको अखाडाका रुपमा हेर्ने गरिन्छ । ठूलो संख्यामा बस, ट्रकका चालक र यात्रु बास बस्ने भएकाले पनि यहाँका अधिकांश लज, होटेल र गेष्टहाउसहरुमा यौन व्यवसाय हुनु गरेको प्रहरी अधिकारी बताउछन् ।

राजधानीका महिला यौन व्यवसायीहरुले पनि नयाँ बसपार्क क्षेत्रलाई कमाई हुने स्थल मान्दै आइरहेका छन् । असरक्षित यौन सम्पर्कका कारण एचआईभी, एड्स, भिरंगी जस्ता यौन रोग पनि लाग्ने गरेको पाइएको छ ।