हेल्थ टुडे
काठमाडौं : प्रत्यारोपणमा भारतको प्रख्यात हस्पिटल नारायण हेल्थकी नेफ्रोलोजी बिभाग प्रमुख डा. सर्मिला ठुकरालले काठमाडौंमा इन्कम्पिटेवल किड्नी ट्रान्सप्लान्ट सम्बन्धी अनुभव सुनाएकी छन् । नारायण हेल्थ र एक्सप्लोर हेल्थ केयर नेपालको सहकार्यमा एलो प्यागोडा होटेलमा भएको सिएमई (कन्टिन्यू मेडिकल एजुकेसन) मा नेपालका ४५ जना नेफ्रोलोजिस्टहरु सहभागी थिए । कार्यक्रममा डा. ठुकरालले किड्नी प्रत्यारोपणका क्षेत्रमा भारतमा भइरहेको आधुनिक चिकित्सा विधि र गरिरहेको अभ्यासका बिषयमा जानकारी गराएकी थिइन । क्रस म्याच नै नगराई पनि किड्नी प्रत्यारोपण गर्न सकिने र नारायण हेल्थले २५ सय भन्दा बढीको यस बिधिबाट किड्नी प्रत्यारोपण गरिसकेको उनले जानकारी दिइन ।
त्रिवि शिक्षण अस्पताल महाराजगञ्जकी किड्नी प्रत्यारोपण विभाग प्रमुख डा. दीव्यासिंह शाह र वीर अस्वताल किड्नी प्रत्यारोपण विभाग प्रमुख डा. रजनी हाडाको सभापतित्वमा सम्पन्न भएको कार्यक्रममा नेपाली नेफ्रोलोजिस्टहरुले सोधेका विभिन्न प्रश्नहरुको जवाफ डा. ठुकरालले दिएकी थिइन । एक्सप्लोर हेल्थकेयर नेपालका निर्देशक कृष्ण पाण्डेले यस प्रकारका अनुभव आदान प्रदानले दुबै देशको चिकित्सा क्षेत्र थप मजबुत हुने भएकाले कार्यक्रम सफल भएको र भविश्यमा पनि यस किसिमका कार्यक्रमले निरन्तरता पाउने बताए ।
Leave a Reply