स्वास्थ्य राज्यमन्त्रीको पद बहाली

हेल्थ टुडे,

काठमाडौं : डा. सुरेन्द्र यादव स्वास्थ्य राज्यमन्त्रीमा नियुक्त भएका छन् । उनले शुक्रबार साझ स्वास्थ्य तथा जनसंख्या मन्त्रालयमा पद बहाली गरेका छन् । संघिय समाजवादी फोरमका नेता डा. यादव महोत्तरी ४ बाट निर्वाचित भएका थिए । फोरमको केन्द्रिय कार्यसमितिको बैठकले आफ्नो पार्टीको भागमा परेको एक राज्यमन्त्रीमा डा. यादवलाई पठाउने निर्णय गरेको थियो । केपी ओली नेतृत्वको सरकारमा यस अगाडि स्वास्थ्य तथा जनसंख्या र शहरी विकास समित दुई मन्त्री नियुक्त भइसकेका छन् । स्वास्थ्य राज्यमन्त्री पद्मा अर्याललाई मन्त्रीमा बढुवा गरि भूमिव्यवस्था तथा सहकारी मन्त्रालय पठाइएको छ ।  अर्याल बिगत ५ महिनादेखि स्वास्थ्य राज्यमन्त्री थिइन । गत जेठमा उपेन्द्र यादव स्वास्थ्य मन्त्री नियुक्त भएपछि नै अर्यालको सरुवा हुने चर्चा चल्दै आइरहेको थियो ।