स्वास्थ्य क्षेत्रमा महत्वपूर्ण योगदान दिएका दुई दर्जन विशिष्ट व्यक्ति बिभूषित

हेल्थ टुडे,
काठमाडौ,२ बैशाखः स्वास्थ्य क्षेत्रमार्फत देशका लागि महत्वपूर्ण योगदान दिएका स्वास्थ्य क्षेत्रका २५ जना बिशिष्ट व्यक्ति राष्ट्रपतिबाट प्रदान हुने विभिन्न मानपदवी तथा पदकबाट विभूषित भएका छन् । विभुषित हुनेहरुमा २६ जना चिकित्सक, एक जना नर्स र एक जना औषधि व्यावसायी छन् ।

आईतबार एक समारोहकाबीच न्याम्सका पूर्व उपकुलपति प्राडा गणेश गुरुङ सहित १३ जना (सुप्रवल जनसेवा श्री तृतीय श्रेणी) र बीर अस्पतालका पूर्व निर्देशक प्राडा भुपेन्द्रकुमार बस्नेत सहित १२ जना प्रवल जनसेवा श्री (चतुर्थ श्रेणी) पदकबाट विभुषित भएका हुन् ।

यस्तै, देउराली जनता फर्मास्यूटिकल्स कम्पनीका हरिभक्त शर्मा पनि सुप्रवल जनसेवा श्री तृतीय श्रेणीबाट बिभूषित भएका छन् ।  जिल्ला अस्पताल दाङकी नर्सिङ निरीक्षक राधा पौडेलले (जनसेवा श्री,पञ्चम श्रेणी) पदकबाट बिभूषित भएकी छन् ।

यसैगरी, नेपाल प्रहरी, सशस्त्र प्रहरी र नेपाली सेनामा कार्यरत चिकित्सकहरु पनि विभिन्न मानपदवी तथा पदकबाट विभूषित भएका छन् ।

गुहमन्त्रालयले गत असोज ३ मा नै संविधान दिवसको अवसरमा पदक पाउने व्यक्तिको सूची सार्वजनिक गरेपनि नयाँ वर्षको अवसरमा राष्ट्रपतिले आईतबार मात्रै बिभूषण प्रदान गर्नुभएको हो ।