हेल्थ टुडे,
काठमाडौ,२३ जेठः मेडिकल कलेजहरुले अनाधिकृत रुपले विद्यार्थीबाट चर्को शुल्क उठाएको भन्दै चौतर्फी विरोध भईरहेको बेला मडिकल कलेज सञ्चालकहरुले भने कलेजको शुल्क बढाउन दबाव दिएका छन् । मेडिकल कलेज सञ्चालकहरूले विद्यार्थी र अभिभावकबाट अतिरिक्त शुल्क असुल्दै आएको पनि स्वीकारेका छन् ।
प्रतिनिधिसभा अन्र्तगतको शिक्षा तथा स्वास्थ्य समितिद्वारा शुल्क छानबिनका लागि गठित उपसमितिले बुधबार डोकेको छलफलमा मेडिकल सञ्चालकहरुले शुल्क बढाउन माग गरेका हुन् । तर,सांसदहरुले भने कलेज सञ्चालकहरको मागप्रति आपत्ति जनाएका छन् । छलफलमा सांसदहरूले तोकेभन्दा बढी रकम उठाउने मेडिकल कलेजको सम्बन्धन खारेज गर्न सरकारलाई निर्देशन दिने चेतावनी दिएका छन् ।
सत्तारुढ दल नेकपाका सांसद योगेश भट्टराईले तोकिएको भन्दा बढी शुल्क लिएको रकम फिर्ता हुनुपर्ने बताए। उनले तत्काल बढी लिएको शुल्क फिर्ता नगरे मेडिकल कलेज खारेजको लागि सरकारलाई सिफारिस गर्ने समेत चेतावनी दिएका छन् ।
विश्वविद्यालय र मेडिकल कलेजहरूको छाता संगठनकै निर्णयमा बढी शुल्क लिने गरिएको सञ्चालकहरूको दावी छ । काठमाडौं विश्वविद्यालयको निर्णयअनुसार सरकारले निर्धारण गरेभन्दा बढी उठाएको उक्त विश्वविद्यालयबाट सम्बन्धन पाएका कलेजहरूले बताएका छन् ।
त्रिभुवन विश्वविद्यालयबाट सम्बन्धन लिएकाहरूले भने मेडिकल तथा डेन्टल कलेज एसोसिएसनको निर्णयअनुसार बढी शुल्क लिएको स्वीकार गरेका छन् । सरकारले एमबीबएिस अध्ययनका लागि उपत्यकाबाहिर ४२ लाख ४५ हजार र उपत्यकाभित्र ३८ लाख ५० हजार रुपैयाँ तोकेको छ । तर,मेडिकल कलेजहरुले भने सरकारले ताकेको भन्दा १० लाखबढी शुल्क असुलिरहेका छन् ।
Leave a Reply