८० प्रतिसत जलेका विरामीको पनि प्लास्टिक सर्जरी मार्फत निको बनाउछौ : डा. कुलदीप सिंह

हेल्थ टुडे,
काठमाडौं, ३० साउन : भारतको नयाँदिल्ली स्थित अपोलो अस्पतालका वरिष्ठ प्लास्टिक सर्जन डा. कुलदीप सिंहले ८० प्रतिसत जलेका विरामीको पनि प्लास्टिक सर्जरी मार्फत निको पार्न सकिने बताएका छन् । अपोलो अस्पतालद्वारा शनिबार राजधानीमा आयोजना गरिएको प्लास्टिक सर्जरी र एआईमा आधारित रोबोटिक उपचारका विषयमा जानकारी दिन आयोजना गरिएको पत्रकार सम्मेलनमा डा. सिंहले जलेका विरामीलाई २४ घण्टा भित्रै अस्पताल पुर्याउन सकियो भने उपचार सम्भव भएको बताए ।

गत वर्ष जेन्जी आन्दोलनका क्रममा जलेर गम्भिर अवस्थामा पुगेकी पुर्व प्रधानमन्त्री झलनाथ खनालकी पत्नी रविलक्ष्मी चित्रकारको उपचार पनि आफुले गरेको स्मरण गर्दै डा. सिंहले भने, चित्रकारको अवस्था गम्भिर थियो । अपोलोको अस्पतालको टीमको अथक प्रयाय पछि हामी उहाँलाई निको बनाउन सफल भयौ । नेपालमा पनि राम्रा प्लास्टिक सर्जनहरु भएको तर यहाँ आधुनिक प्रविधि र उपकरणको कमिले गम्भिर प्रकृतिको विरामीलाई भारत अथवा अन्य देश रिफर गर्नु पर्ने अवस्था रहेको डा. सिंहले बताए । अपोलो अस्पतालमा पछिल्ला वर्षमा एआईमा आधारिकत रोबोटिक सर्जरीका कारण उपचार सहज भइरहेको उनले बताए । अपोलो अस्पतालका अर्का वरिष्ठ जनरल सर्जन डा. अरुण प्रसादले
नेपालमा पनि रोबोटिक सर्जरी सुरु भएपछि विरामीलाई अन्य देश रिफर गर्नु पर्ने अवस्था हटेर जाने बताए । डा. प्रसादले अपोलो हस्पिटलले प्रयोगमा ल्याएको एआईमा आधारित रोबोटिक सर्जरीका विषयमा भिडियो मार्फत सविस्तार जानकारी गराएका थिए । भारतको नयाँ दिल्ली सहित विभिन्न भागमा ७६ साखा मार्फत उपचार सेवा प्रदान गरिरहेको अपोलो अस्पतालमा १० हजार भन्दा बढी शैया छन् । अस्पतालले अहिलेसम्म ३ लाख भन्दा बढी त एन्जियोप्लास्टी मात्र गरेको जनाएको छ । धेरै नेपाली विरामी पनि उपचारका लागि अपोलो जाने गरेका छन् ।