हेल्थ टुडे,
काठमाडौं, १२ भदौ : नेपालका एक मात्र फोर्बस अर्बपति विनोद चौधरीलाई कोरोना संक्रमण पुष्टि भएको छ । शुक्रबार ट्वीटर मार्फत उनी आफैले सो कुराको जानकारी दिएका हुन् ।
चौधरीले शुक्रबार बिहान भएको परीक्षणमा आफूलाई कोभिड पोजिटिभ पाइएको ट्वीटरमा लेखेका छन् । ’मैले आज बिहान कोरोना परीक्षण गराएँ,रिपोर्ट पोजिटिभ आयो । मलाई कुनै लक्षण देखिएको छैन,’ चौधरीले ट्वीटमा भनेका छन् ।
चिकित्सकको सल्लाह अनुसार आफू आइसोलेसनमा रहेको पनि उनले बताएका छन् । कोरोना संक्रमणको स्रोतबारे चौधरीले खुलाएका छैनन् । कोभिड प्रमाणित भएसँगै चौधरीले आफ्नो सम्पर्कमा आएका सबैलाई सर्तकता अपनाउन अनुरोध गरेका छन् ।
