हेल्थ टुडे,
काठमाडौं,१९ साउन : कोभिड युनिफाइड केन्द्रीय अस्पताल ( वीर ) को प्रमुख प्रशासकीय अधिकारीमा नियुक्त भएका डा. भुपेन्द्र बस्नेतले पद बहाली गरेका छन् । उनलाई आजै स्वास्थ्य तथा जनसंख्या मन्त्रालयको समेत कार्यभार सम्हालीरहेका प्रधानमन्त्री शेरबहादुर देउवाले प्रमुख प्रशासकीय अधिकारीमा नियुक्त गरेका थिए ।
वीर अस्पतालमा कार्यरत डा. बस्नेतले वीर अस्पतालको निर्देशकको जिम्मेवारी निर्वाह गरिसकेका छन् । यस अधिका प्रमुख प्रशाकीय अधिकारी डा. जागेश्वर गौतमलाई परोपकार प्रसूति तथा स्त्री रोग अस्पतालमा सरुवा गरिएको छ । डा. बस्नेतले अहिलेको प्रमुख चुनौति कोरोना भाइरसको संक्रमण कम गर्ने भएकोले आफ्नो ध्यान त्यसतर्फ बढी रहने प्रतिकृया दिएका छन् । सरल स्वभावका डा. बस्नेत वीरका अहिलेसम्मका पूर्व निर्देशकहरुमध्ये सफल निर्देशकको रुपमा आफ्नो छवि बनाउन सफल छन् ।
Leave a Reply