हेल्थ टुडे,
काठमाडौँ, ११ कार्तिक : स्वास्थ्य सेवा विभागका पूर्व महानिर्देशक डा. आरपी बिच्छा प्रधानमन्त्री शेरबहादुर देउवाको स्वास्थ्य सल्लाहकार नियुक्त भएका छन् । उनी पाँच दिन अगाडि मात्र विभागको महानिर्देशकबाट विदा भएका थिए । उमेर हदका कारण महानिर्देशकबाट बिदा भएका डा. बिच्छालाई सरकारले दुई वर्ष विशेषज्ञका रुपमा सेवा अवािध थपेको थियो । डा. बिच्छा वरिष्ठ बालरोग विज्ञ हुन । उनले स्वास्थ्य सेवा विभागको महानिर्देशक देखि स्वास्थ्य मन्त्रालय मातहतका विभिन्न अस्पताल र महासाखाको निर्देशक भएर काम गरेका छन् । २०६८ सालमा पूर्व प्रधानमन्त्री झलनाथ खनाले पूर्व स्वास्थ्य सचिव डा. दीर्घसिंह बमलाई आफ्नो स्वास्थ्य सल्लाहकारमा नियुक्त गरेका थिए । त्यसपछिका प्रधानमन्त्रीहरुले आफ्नो निजी चिकित्सक नियुक्त गरे पनि स्वास्थ्य सल्लाहकार नियुक्त गरेका थिएनन् । डा. बिच्छाले प्रधानमन्त्रीलाई स्वास्थ्यका विविद् पक्षमा सल्लाह दिने छन ।
