अंग प्रत्यारोपण समितिको अध्यक्षमा डा पुकारचन्द्र श्रेष्ठ नियुक्त

हेल्थ टुडे,
काठमाडौं, २६ असार : सरकारले अंग प्रत्यारोपण समितिको अध्यक्षमा सहिद धर्मभक्त राष्टिय प्रत्यरोपण केन्द्र भक्तपुरका कार्यकारी निर्देशक समेत रहेका अंग प्रत्यारोपण विज्ञ डा.पुकारचन्द्र श्रेष्ठलाई नियुक्त गरेको छ । मंगलबार बसेको मन्त्रिपरिषदको बैठकले समितिको अध्यक्षमा डा श्रेष्ठसहित तीन जना सदस्य नियुक्त गरेको हो।
समितिको सदस्यहरुमा डा महेश सिग्देल, डा प्रवीणविक्रम थापा र डा महेश अधिकारीलाई नियुक्त गरेको छ । स्वास्थ्य तथा जनसंख्या मन्त्री मोहनबहादुर बस्नेतको सिफारिसमा अध्यक्ष र सदस्यहरुलाई नियुक्त गरिएको हो । समिति गठन नहुदा लामो समयदेखि अंग प्रत्यारोपणसँग सम्बन्धित धेरै काम रोकिएका थिए ।
समितिमा ८ महिनादेखि अध्यक्ष र सदस्यहरु रिक्त थिए। स्वास्थ्य मन्त्री बस्नेतले स्वास्थ्यमा लामो समयदेखि अड्किएका काम छिटो छरितो ढंगले गरिरहेका छन् ।