सुस्वास्थ्य हस्पिटल नवौं वर्षमा , गुणस्तरीय प्राकृतिक चिकित्सा सेवा दिने प्रतिबद्धता

हेल्थ टुडे,

काठमाडौं, माघ १ : राजधानीको मीनभवन रहेको प्राकृतिक चिकित्सा सेवा उपलब्ध गराउदै आइरहेको सुस्वास्थ्य हस्पिटलले सफलताका साथ आठ वर्ष पूरा गरि माघ १ गतेदेखि नवौं वर्षमा प्रवेश गरेको छ । यो हस्पिटलले प्राकृतिक चिकित्सा मार्फत गुणस्तरीय सेवा प्रदान गरेर आफूलाई देशकै अब्बल प्राकृतिक चिकित्सा अस्पतालको रूपमा स्थापित गर्ने प्रतिबद्धता व्यक्त गरेको छ । नेपालमै उत्कृष्ठ प्राकृतिक चिकित्सा सेवा प्रदान गर्ने अस्पताल बनाउने लक्ष्यका साथ वरिष्ठ अक्कुपँचरिष्ट सुदर्शन बस्नेतले सात वर्ष पहिले सुस्वास्थ्य हस्पिटल स्थापना गरेका थिए । औषधिविहीन उपचारपद्दतिहरूलाई एकीकृत रुपमा प्रयोग गरी विरामीको उपचार गर्ने र निरोगीलाई रोग लाग्न नदिने अवस्थामा राख्ने उद्देश्यसहित २०७२ साल माघ १ गतेदेखि अस्पतालले सेवा सुरु गरेको थियो । सुस्वास्थ्यले प्राकृतिक चिकित्सा, अक्कुपन्चर, फिजियोथेरापी र आयुर्वेदजस्ता उपचार विधिहरू मार्फत बिरामीको उपचार गर्ने गरेको छ । विशेषगरी नसर्ने रोगको उपचारका लागि यो हस्पिटल प्रख्यात छ । नसा च्यापिएको, प्यारालाइसिस, माइग्रेन, विभिन्न दुखाइलगायतका रोगको उपचारका लागि यो हस्पिटलले छुट्टै पहिचान बनाएको छ । हस्पिटलमा दक्ष जनशक्तिले सेवा प्रदान गर्ने गरेका छन् । प्राकृतिक चिकित्सक, अक्कुपन्चरिस्ट, फिजियोथेरापिस्ट र आयुर्वेद चिकित्सकहरुले शरीर, दिमाग र आत्मालाई सन्तुलनमा राखेर पारिवारिक वातावरणमा उपचार सेवा प्रदान गर्छन । यहाँ घरेलु र प्राकृतिक वातावरणमा मानवीय स्पर्शका माध्यमबाट उपचार सेवा प्रदान गरिन्छ । कम शुल्कमा गुणस्तरीय र साइड इफेक्टबिनै उपचार गराइने भएकोले धेरैको रोजाइमा यो हस्पिटल पर्ने गरेको छ ।
स्थापना कालदेखि अस्पतालले नसा तथा हाडजोर्नीका रोगीहरूको उपचार तथा व्यवस्थापन गर्दै आएको छ । सुस्वास्थ्यले सात वर्षको अवधिमा १२ हजारभन्दा बढी बिरामीको सफल उपचार गरिसकेको छ । अस्पतालमा नसा च्यापिएको बिना अपरेसन उपचार, हड्डी खिइएको उपचार, पक्षघातको उपचार, माइग्रेन, अनिद्रा, डिप्रेसन र इन्जाइटीका बिरामी उपचारका लागि बढी आउने गरेका छन् । नसा च्यापिएका बिरामीको उपचारमा अस्पतालले ९० प्रतिशत सफलता प्राप्त गरेको छ । सुस्वास्थ्यले उपचारका साथै रोगी तथा निरोगीलाई स्वस्थ रहन आवश्यक स्वास्थ्य शिक्षा पनि प्रदान गरिरहेको छ । त्यस्तै विभिन्न संघसंस्थामा कार्यरत कर्मचारीका लागि कम्मर र गर्धनको समस्याबाट बच्ने तरिका, आसन र कसरत पनि सिकाउने गरिएको छ । अस्पतालले सञ्चारमाध्यम, कलेज, स्कुल, बैँक तथा वित्तीय संस्था र विभिन्न कर्पोरेट कार्यालयका कर्मचारीलाई कम्मर र गर्धनको समस्याबाट बच्ने उपाय सिकाइएको छ । अस्पतालले देशका विभिन्न स्थानमा निःशुल्क स्वास्थ्य शिविर सञ्चालन गरेको छ ।