दाँतको उपचार गर्न प्रधानमन्त्री पुगे वीर अस्पताल

हेल्थ टुडे,
काठमाडौं, २६ बैसाख : दाँतको उपचार गर्न प्रधानमन्त्री पुष्पकमल दाहाल वीर अस्पताल गएका छन् । बुधबार साझ उनले वीर अस्पताल गएर दाँतको उपचार गराएका हुन् । दाँतको उपचारमा संलग्न वीर अस्पतालको दाँत रोग विभागका सिनियर कन्सलटेन्ट ओरल एण्ड म्याग्जिलोफेरियल सर्जन डा. किशोर भण्डारीले प्रधानमन्त्रीको दाँतको एक्सरे गरेर उपचार सुरु गरिएको बताए । दायाँ पट्टीको माथिल्लो बंगरामा आरसीटी गर्नु पर्ने देखिएकोले त्यो पनि गर्ने गरि उपचार सुरु गरिएको र फेरि फलो अफमा आउनु पर्ने अवस्था रहेको डा. भण्डारीले जानकारी दिए । दन्तरोग विज्ञ डा रितु श्रेष्ठ नेतृत्वको टिमले प्रधानमन्त्रीको दाँतको उपचार गरेको हो । प्रधानमन्त्री यो भन्दा पहिले पनि दाँतको उपचारका लागि वीर पुग्ने गरेका थिए । पूर्व प्रधानमन्त्री डा. बाबु राम भट्टराई पनि पटक पटक दाँतको उपचारका लागि वीर पुग्ने गरेका छन् । पुर्व राष्टपति डा. रामवरण यादव पनि दाँतको उपचार र स्वदेशमै संभव हुने उपचारका लागि बेला बेला वीर पुग्ने गरेका छन् । वीर अस्पतालको दन्तरोग विभाग अन्य विभागको तुलनामा सुविधा सम्पन्न छ ।