गगन थापाले गरे स्वास्थ्यमा पद बहाली

हेल्थ टुडे
नव नियुक्त स्वास्थ्य मन्त्री गगन थापाले स्वास्थ्य मन्त्रीको पद बहाली गरेका छन्् । राष्ट्रपति निवासमा सफथ ग्रहण सकिएपछि उनले शुक्रबार स्वास्थ्य मन्त्रालय पुगेर पद बहाली गरेका हुन्् । स्वास्थ्य मन्त्रालयका सचिव डा.सेनेन्द्र उप्रेति लगायत स्वास्थ्य मन्त्रालयका उच्च पदाधिकारीले नव नियुक्त मन्त्री थापालाई मन्त्रालयमा स्वागत गरेका हुन । थापा पहिलो पटक मन्त्री भएका हुन्् ।
पद बहालीपछि बोल्दै थापाले आफुले आश्वासन दिने भन्दा काम गरेर देखाउने बताए । आफू जनताको सेवा गर्न मन्त्री भएको बताउँदै उनले सबैको सकारात्मक सहयोग हुने विश्वास व्यक्त गरे । बिभिन्न अड््कल बाजीबिच स्वास्थ्य मन्त्रीमा थापा नियुक्त भएका हुन्् । सत्ता वाडफाडका बेला स्वास्थ्य मन्त्रालय माओवादी वा काग्रेसमध्ये कसको भागमा पर्छ भन्ने टुंगो लागेको थिएन ।
बिहीबार नेपाली कांग्रेसले स्वास्थ्य मन्त्रालयमा थापालाई पठाउने निर्णय गरेको थियो । प्रचण्ड नेतृत्वको सरकारमा कांग्रेस सभापती शेरबहादुर देउवाले नेता अर्जुननरसिंह केसीलाई स्वास्थ्य मन्त्रीको सफथ लिन आग्रह गर्दा आकर्षक मन्त्रालय नभएको भन्दै केसीले स्वास्थ्य मन्त्री बन्न इन्कार गरेका थिए । केसी अहिले शहरी विकास मन्त्री भएका छन्् । थापा र केसी ज्वाई र ससुरा हुन । मन्त्री थापाकी पत्नी चिकित्सक हुन । यी दुबै नेपाली कांग्रेसको महाधिवेशनमा महामन्त्रीमा पराजित भएका थिए । थापा मन्त्री भएपछि स्वास्थ्य मन्त्रालयमा हालीमुहाली गरिरहेका एमाले समर्पित कर्मचारी त्रसित भएका छन ।