हेल्थ टुडे,
काठमाडौं, ७ बैसाख : स्वदेशी र बिदेशी औषधि कम्पनीहरुको वृतह प्रदर्शनी नेपाल फर्मा एक्स्पो यही वैशाख ९ गतेदेखि ११ गतेसम्म चितवनको भरतपुरमा हुने भएको छ । नेपाल औषधि उत्पादक संघले चितवन एक्स्पो सेन्टर भरतपुरमा आठौ नेपाल फर्मा एक्स्पोको आयोजना गरेको हो । नेपाल औषधि उत्पादक संघका उपाध्यक्ष एवं एक्स्पोका मिडिया कोअर्डिनेटर सन्तोष बरालका अनुुसार एक्स्पोको तयारी अन्तिम चरणम पुगेको छ । एक्स्पोको उद्घाटन राष्ट्रपति विद्या भण्डारीले गर्ने कार्यक्रम छ ।
सङ्घका निवर्तमान अध्यक्ष एवं एक्स्पो संयोजक जी.नारायणबहादुर क्षेत्रीका अनुसार एक्स्पोमा स्वदेशी र विदेशी गरी १५० स्टल रहने छन् । नेपाल, भारत र बङ्गलादेशको एउटा स्टल रहने उनले जानकारी दिए । औषधि क्षेत्रमा नयाँ प्रविधिको खोज गरिरहेका विभिन्न बहुराष्ट्रिय कम्पनी र नेपाली औषधि उद्योगहरूले एक्स्पोमा भाग लिनेछन् । एक्स्पोको अवसर पारेर विभिन्न प्राविधिक एवं नीतिगत विषयमा छलफल तथा गोष्ठी आयोजना हुनेछन् ।
नेपालमा उत्पादन हुँदै आएका औषधि र औषधि उत्पादनमा प्रयोग हुने प्रविधि, ल्याब, मेसिन, कच्चा पदार्थ, प्याकेजिङ मेटेरियललगायतमा पछिल्लो समयमा भएका विकासको प्रदर्शनी हुने क्षेत्रीले बताए । उनले नेपालमा गुणस्तरीय र आवश्यक परिमाण औषधि उत्पादन हुनसक्छ भन्ने कुरालाई जनमानसमा लैजाने उद्देश्यले एक्स्पो आयोजना गर्न लागिएको बताए ।
नेपाल औषधि उत्पादक संघका उपाध्यक्ष एवं एक्स्पोका मिडिया कोर्डिनेटर बरालले यसपटकको एक्स्पो नेपालमा औषधि उत्पादन क्षेत्रले अँगाल्दै आएको ज्ञान तथा प्रविधिको विस्तार गर्ने अभियानमा केन्द्रित हुने बताए । उनले विगत २० वर्षदेखि हरेक दुई–दुई वर्षमा नेपाल फर्मा एक्स्पो हुँदै आएको भए पनि कोभिडका कारण रोकिएको बताए । एक्स्पो १५ हजार बढीले अवलोकन गर्ने अपेक्षा आयोजकको छ । यसअघिको सातौँ एक्सपो पनि चितवनमा नै भएको थियो ।
Leave a Reply