आजदेखि सञ्चालनमा आयो गेटामा सय शय्याको अस्पताल

हेल्थ टुडे,

धनगढी, १ कात्तिक : कैलालीको गेटामा आजदेखि एक सय शय्याको अस्पातल सञ्चालन भएको छ । लामो समयपछिको प्रतिक्षा पनि अस्पताल सञ्चालनमा आएको हो ।
गेटा अस्पतालका निर्देशक डा. प्रमोद जोशीले कात्तिक १ गतेदेखि ओपिडी सेवा सहित एक सयउ शय्याको अस्पताल सञ्चालन गरिएको बताए । डा. जोशीले मंगलबार पत्रकार सम्मेलन गरी जनरल ओपीडी सेवा, हाडजोर्नी तथा नशा रोग, स्त्री रोग, जनरल सर्जरी, अल्ट्रासाउन्ड सेवा, एक्सरे सेवा, प्रयोगशाला र फार्मेसी सेवासहितको अस्पताल सञ्चालन गरिएकाृे बताएका छन । डा. जोशीका अनुसार पहिलो चरणमा ११ जना चिकित्सकबाट सेवा सुरु गरिएको छ । डा. जोशीले भने, ‘ आगामी वैशाख महिनाभित्र थप सात वटा विशेषज्ञ सेवा विस्तार गरिने छ ।’
२०५१ सालमा तत्कालीन गिरिजाप्रसाद कोइराला नेतृत्वको सरकारले कञ्चनपुरको दैजीमा मेडिकल कलेज स्थापना गर्ने निर्णय गरेको २९ वर्षपछि मेडिकल कलेजका लागि बनेको भवनमा बुधबारदेखि अस्पताल सञ्चालन हुने भएको हो । सरकारले मेडिकल कलेज स्थापनाका लागि भौतिक पूर्वाधार निर्माण गरेपछि सरकारले गत पुसमा मेडिकल विश्वविद्यालय स्थापना गर्ने निर्णय गरेको थियो । अहिले मेडिलक विश्वविद्यालय सम्बन्धी विधयेक राष्टिय सभामा छलफलका क्रममा छ । गेटा अस्पतालको शय्या बढाउदै लैजाने र मेडिकल विश्वविद्यालय स्थापना गर्ने लक्ष्य सरकारको छ ।