डा. दीर्घराज आरसीको अध्यक्षतामा गठन भयो जोर्नी प्रत्यारोपण समाज

हेल्थ टुडे,
काठमाडौं, २१ पुष : नेपालमा कार्यरत हाडजार्नी सल्यचिकित्सकहरुको शनिबार राजधानीमा सम्पन्न भएको भेलाले नेपाल हाडजार्नी प्रत्यारोपण समाज गठन गरेका छन् । समाजको अध्यक्षमा वरिष्ठ सल्यचिकित्सक डा. दिर्घराज आरसी चयन भएका छन् । डा. आरसी अहिले निजामती अस्पतालका कार्यरत छन् । उनी वीर अस्पतालका पुर्व निर्देशक हुन । समाजको उपाध्यक्षमा डा.विवेक वास्कोटा, महासचिवमा डा.सुमनबाबु मरहट्ठा, कोषाध्यक्षमा डा.ऋषि बिष्ट चयन भएका छन ।
त्यसैगरी सदस्यहरुमा डा.श्रवणकुमार थापा, डा.राज राणा, डा.शुशिल थापा मगर, डा कपिलमणी केसी, डा रविन्द्र रेग्मी, डा सुनिल सिंह थापा र डा प्रविण नेपाल रहेका छन् । अर्थोपेडिक सर्जरी विधाको सब स्पेसियालिटीको नयाँ सोसाइटीका रुपमा समाजको गठन गरिएको नव निर्वाचित अध्यक्ष डा. आरसीले जानकारी दिए ।

समाजको घोषणा गर्न आयोजित कार्यक्रमको बि एण्ड बि हस्पिटलका स्थापक वरिष्ठ जोर्नी प्रत्यारोपण सल्यचिकित्सक डा. अशोक बास्कोटाले उदघाटन गरेका थिए । डा. बास्कोटाले जोर्नी प्रत्यारोपणका बिषयमा आफ्ना अनुभव प्रस्तुत गरेका थिए । आफुले विसं २०३३ मा पहिलो पटक अमेरिकामा जोर्नी प्रत्यारोपणदेखि विसं २०४७ सालमा पहिलो पटक नेपालमा जोर्नी प्रत्यारोपण गर्दाको अनुभव सुनाउदै डा. बास्कोटाका ३२ वर्षको समयमा नेपालमा जोर्नी प्रत्यारोपणको क्षेत्रमा धेरै नै प्रगति भएको दावी गरे ।
नयाँ नयाँ प्रविधिको विकास र सिमित श्रोत र साधनले काम गर्नु पर्दा अझै चुनौति बाकी रहेको बताउदै डा.बास्कोटाले यसको विकासका लागि अनुभव आदानप्रदान पनि आवश्यक रहेकोमा जोड दिए । कार्यक्रममा समाजका महासचिव डा. मरहट्टाले नेपालमा करिव ५० जना जोर्नी प्रत्यारोपण सर्जन कार्यरत रहेको जानकारी दिए । कार्यक्रममा वरिष्ठ जोर्नी प्रत्यारोपण सर्जनहरु प्रा. डा. दीपक महरा, डा. अशोक बज्राचार्य, डा. चक्रराज पाण्डे, डा. बाबुकाजी श्रेष्ठलाई सम्मान गरिएको थियो । कार्यक्रममा देशभरिका जार्नी प्रत्यारोपण सर्जनहरुको सहभागिता थियो ।