गगनलाई बिजय गराउन डा.गोविन्द केसीको आव्हान ,भिडियो सहित

हेल्थ टुडे,

काठमाडौं, १७ मंसिर :  पूर्व स्वास्थ्य मन्त्री एवं नेपाली कांग्रेस काठमाडौं क्षेत्र नम्बर ४ बाट प्रतिनिधि सभा सदस्यका उम्मेदवार गगन थापालाई विजय गराउन अनसनकारी चिकित्सक डा.गोविन्द केसीले मतदातालाई आव्हान गरेका छन् । चिकित्सा सुधारका लागि आफूले उठाएका हरेक मुद्दामा नेता थापाले साथ दिएको स्मरण गर्दै व्यक्तिगत स्वार्थभन्दा ३ करोड जनताको हितमा आवाज उठाउने युवा नेतालाई मतदान गर्न डा. केसीले भिडियो मार्फत आव्हान गरेका हुन् । सरकारले हालै अध्यादेश मार्फत जारी गरेको चिकित्सा शिक्षा विधेयकमा मात्र नभएर अख्तियार दुरुपयोग अनुसन्धान आयोगका पूर्व प्रमुख आयुक्त लोकमानसिंह कार्कीलाई महाअभियोग लगाएर हटाउने काममा थापाको भूमिका अविश्मरणीय रहेको डा. केसीले बताएका छन् ।

स्वास्थ्य मन्त्री भएका बेला समेत थापाले राम्रो काम गरेकाले उनी नेपालीका लागि आश लाग्दा नेता भएको डा. केसीले बताएका छन् । यही मंसिर २१ गतेको निर्वाचनमा सही व्यक्तिलाई मत दिएर जिताउनु पर्ने केसीको आव्हान छ । व्यक्तिगत स्वार्थकालागि मात्र काम गर्ने भन्दा ३ करोड जनताको पक्षमा काम गर्ने गगन थापा जस्ता युवा नेतालाई बिजयी गराउन डा. केसीले सबै मतदातालाई अनुरोध गरेका छन् । डा. केसीले अन्तयमा गगनलाई भनेका छन, बेष्ट अफ लक ।