राजधानीका ४ अस्पताललाई लालबाबुको कारवाही 

हेल्थ टुडे,

काठमाडौं, १३ फागुन : सोमबार बिस्तार हुने मन्त्रीमण्डलमा स्वास्थ्य मन्त्री हुने अनुमान गरिएका जनसंख्या तथा वातावरण मन्त्री लालबाबु पण्डितले काठमाडौंका  चार वटा निजी अस्पताललाई कारवाही गर्न स्वास्थ्य मन्त्रालयलाई पत्र काटेका छन् । मापदण्ड पूरा नगरी सञ्चालन गरिएको भन्दै मन्त्री पण्डितले काठमाडौंको कलंकीमा रहेको नेसनल हस्पिटल, महाराजगञ्जको अन्तर्राष्ट्रिय मैत्री बाल हस्पिटल, भृकुटीमण्डपको काठमाडौं मोडल हस्पिटल र त्रिपुरेश्वरको काठमाडौं अस्पतालमाथि कारवाहीका लागि स्वास्थ्य मन्त्रालयलाई पत्र काटेका हुन ।

वातावरण संरक्षण ऐन २०५३ र नियमावली २०५४ विपरीत सञ्चालनमा नआएको पाइएपछि ती अस्पताललाई कारवाही गर्ने निर्णय जनसंख्या तथा वातावरण मन्त्रालयले गरेको हो । अस्पतालहरुलाई मन्त्रालय स्वयंले कारवाही गर्न नमिल्ने भएकाले स्वास्थ्य मन्त्रालयलाई कारवाहीका लागि पत्र पठाइएको मन्त्री पण्डितले बताए । मापदण्ड पूरा नगरी सञ्चालन गरिएको भन्दै मन्त्रालयले काठमाडौंको कलंकीमा सञ्चालित नेसनल हस्पिटल, महाराजगञ्जको अन्तर्रा्ष्ट्रिय मैत्री बाल हस्पिटल, भृकुटीमण्डपको काठमाडौं मोडल हस्पिटल र त्रिपुरेश्वरको काठमाडौं अस्पतालमाथि कारवाहीका लागि स्वास्थ्य मन्त्रालयलाई पत्र काटिएको हो । पण्डितले नियम बिपरित सञ्चालनमा रहेका सोल्टी सहितका होटल र उद्योगहरुलाई समेत जरिवाना सहित कारवाही गरेका छन् ।