हरेक वडामा सरकारी स्वास्थ्य संस्था : स्वास्थ्य राज्यमन्त्री

हेल्थ टुडे,

काठमाडौं, १२ चैत : स्वास्थ्य राज्य मन्त्री पद्मा अर्यालले देशका सबै नगरपालिका र गाउपालिकाका प्रत्येक वडामा सरकारी स्वास्थ्य संस्था रहने गरि तयारी भइरहेको बताएकी छिन् ।

स्वास्थ्य मन्त्रालयमा आइतबार स्वास्थ्य पत्रकारहरुसंगको अन्तरक्रियाका राज्यमन्त्री आर्यालले स्थानिय निकायमा स्वास्थ्य संस्थाहरुको समायोजन गर्दा केही वडामा सरकारी स्वास्थ्य संस्था सून्य भएकोले आउदो आर्थिक वर्षमा देशभरिका सबै नगरपालिका तथा गाउपालिकाका वडामा कम्तिमा पनि एक सरकारी स्वास्थ्य संस्थाको व्यवस्था गर्न लागिएको बताएकी हुन । देशभरिका ६ हजार ७ सय ४३ वडा मध्ये १७ वडामा एउटा पनि सरकारी स्वास्थ्य संस्था नभएकाले आउदो बर्षको बजेटमा ती वडामा स्वास्थ्य चौकी स्थापना गर्ने गरि बजेट विनियोजन गर्न लागिएको उनले जानकारी दिइन ।

उनले भनिन, ‘ कुनै वडामा दुई तिनसम्म अस्पताल तर कुनैमा सून्य हुने अवस्था रहने छैन । ’ स्वास्थ्य सबैको चासो र खाचोको बिषय भएपनि स्थानिय निकायका थुप्रै जनप्रतिनिधिहरुलाई यसको महत्वका बिषयमा यथेष्ट जानकारी गराउन प्रदेश स्तरका समाजिक विकास मन्त्रीलाई केन्द्रमा बोलाएर प्रशिक्षण दिइने उनले बताइन ।

जिल्ला अस्पताल स्थानिय निकाय मातहत हुदैन :  डा. चौधरी

स्वास्थ्य सचिव डा. पुष्पा चौधरीले जिल्ला अस्पताल र १५ शैय्याभन्दा माथिका अस्पताल स्थानिय गाउपालिका र नगरपालिकाको मातहतमा नरहने बताइन । उनले जिल्ला अस्पताल, उप क्षेत्रिय र क्षेत्रिय अस्पताल प्रदेश सरकार मातहत ल्याउने गरि स्वास्थ्य संरचनाको खाका मन्त्री परिषद्मा पठाइसकेको जानकारी दिइन । औषधि व्यवस्था विभाग र आयुर्बेद बिभाग यथावत रहने बताउदै सर्ने र नसर्ने रोग नियन्त्रणका लागि राष्ट्रिय रोग नियन्त्रण केन्द्र रहने बताइन । सूचना प्रवाहका लागि सार्वजनिक सूचना व्यवस्थापन साखा रहने चौधरीले जानकारी दिइन ।