हेल्थ टुडे,
ललितपुर : स्टार हस्पिटल, सानेपा, ललितपुर र नबिल बैँक, काठमाडौंबिच एक आपसमा सेवा सुविधा सहकार्य गर्ने सम्झौता भएको छ । सम्झौता पत्रमा स्टार हस्पिटलको तर्फबाट अस्पतालका सिओओ डा.सन्देश जिसी र नबिल बैँकका तर्फबाट बैँकका रिटेल बिजनेश प्रमुख निरज शर्माले हस्ताक्षर गरेका छन् ।
सम्झौता अनुसार स्टार हस्पिटलले नबिल बैँकका ग्राहक, कर्मचारी तथा कर्मचारीहरुको परिवारलाई हस्पिटलमा स्वास्थ्य जाँच तथा भर्ना भई उपचार गराउँदा हस्पिटलले लिदैँ आएको नियमित शुल्कमा आकर्षक छुट प्रदान गर्ने छ । छुट सुविधा प्राप्त गर्न सेवाग्राही तथा कर्मचारीहरुले बैँकको प्रिभिलेज कार्ड, डेविट कार्ड वा क्रेडिट कार्ड मध्ये कुनै एक देखाउनुपर्नेछ । काठमाडौंको कोलाहलबाट केही पर सानेपा रिङ्गरोड चोकमा अवस्थित अस्पतालले वरिष्ठ चिकित्सक तथा अत्याधुनिक मेशिन र उपकरणद्वारा सर्वसुलभ दरमा उत्कृष्ट स्वास्थ्य सेवा प्रदान गर्दै आइरहेको अस्पतालका व्यवस्थापक हरि ढकालले बताए ।
Leave a Reply