हेल्थ टुडे,
काठमाडौ,७ बैशाखः अध्यक्षलाई बर्खास्त गरेपछि फुटको संघारमा पुगेको हेल्थ असिस्टेन्ट संघ नेपाल कर्मचारी समायोजनप्रतिको असन्तुष्टिको विषयले पुन एकजुट भएको छ । आन्तरिक असन्तुष्टिलाई राष्ट्रिय सम्मेलन मार्फत समाधान गर्ने भन्दै संघ आगामी १७ जेठमा गर्ने गरी पुन एकजुट भएको हो ।
बर्खास्तमा परेका अध्यक्ष दाताराम अधिकारी तथा उनको समूह र बर्खास्तको निर्णय गर्ने बरिष्ठ उपाध्यक्ष दीपेन्द्र खड्का तथा उनको समूहबीच गत मंगलबार संयुक्त बैठक बसेर विगतमा गल्ती भएको भन्दै आत्मालोचना गरेको छ ।
खड्का पक्षले आत्मालोचना गरेर अध्यक्ष अधिकारीलाई बर्खास्त गर्ने निर्णय फिर्ता लिएपछि दुवै समुह सम्मेलनको लागि एक जुट भएका हुन् । संघले ३ जेठसम्म नयाँ सदस्यता दर्ता खोलेको छ ।
बैठकले महासचिव देखि तलसम्मको पदमा खुल्ला उम्मेदवार दिन सक्ने र त्यसभन्दा माथिको पदमा पदाधिकारीहरुले मात्रै उम्मेद्धार बन्न सक्ने निर्णय गरेको छ । नेपालमा अहिले करीब ४ हजार हेल्थ असिस्टेन्ट छन् ।
Leave a Reply