हेल्थ टुडे,
दोलखा,२२ जेठः प्रतिनिधिसभाका सांसद एंव नेपाली कांग्रेसका नेता जिपछिरिङ लामाले दोलखाका सबै स्थानीय तहलाई एक–एक थान एम्बुलेन्स सहयोग गरेका छन् । सांसद लामाले चार थान एम्बुलेन्स र २ वटा शव वाहन स्थानीय तहलाई हस्तान्तरण गरेका हुन् । यसअघि गत मंसिरमा पाँच स्थानीय तहलाई उनले एम्बुलेन्स दिएका थिए । सांसद लामाले आफ्ना आमाबाबुको नाममा स्थापना गरेको तेङिमा–दाडोमा लामा स्मृति प्रतिष्ठानको तर्फबाट एम्बुलेन्स र शव वाहन प्रदान गरेका हुन् ।
जिल्लाका भिमेश्वर र जिरी नगरपालिकालाई भने शव वाहन पनि प्रदान गरेका छन् । उनले गत वर्ष गौरीशंकर गाउँपालिका ८ खारेलाई पनि एक एम्बुलेन्स उपलब्ध गराएका थिए । त्योसहित सांसद लामाले जिल्लामा दश वटा एम्बुलेन्स वितरण गरिसकेका छन् । उनले जिल्लाबासीले सहजै स्वास्थ्य उपचार पाउन सकुन भनेर एम्बुलेन्स वितरण गरेको बताए ।
एम्बुलेन्स वितरण समारोहमा लामाले कांग्रेस नेताले दिएको भनेर आस्थाका आधारमा कसैलाई पनि भेदभाव नगर्न कार्यकर्तालाई आग्रह समेत गरे । सांसद लामाले आफ्ना लागि दोलखाबासी सबै समान भएको र कसैलाई भेदभाव नगरी सेवा प्रवाह गर्न अनुरोध गरेका छन् ।
Leave a Reply