हेल्थ टुडे,
सुर्खेत,१४ साउनः कर्णाली प्रदेश सरकारको सामाजिक विकास मन्त्रालयले क्यान्सरपीडित १२ बिरामीलाई आर्थिक सहयोग गरेको छ । मन्त्रालयले गत आर्थिक वर्ष २०७५– ०७६ मा प्रदेशका विभिन्न जिल्लाका अतिविपन्न बिरामीलाई रु तीन लाख ६५ हजार सहयोग गरेको हो ।
मन्त्रालयका प्रवक्ता विष्णुप्रसाद अधिकारीले आन्द्रा, पिसाबथैली, फोक्सो, ब्रेन ट्युमर, स्तन, पाठेघर र ब्लड क्यान्सर भएका १२ जना बिरामीलाई स्थानीय प्रशासनको सिफारिसका आधारमा सहायता रकम प्रदान गरेको जानकारी दिए ।
आर्थिक सहयोग पाउनेहरुमा हुम्ला ओदानचुलीका लोकबहादुर फडेरा, ताजाकोटका पुनिमल बुढा, खार्पुनाथका मोतीलाल जैसी, सुर्खेत बराहतालका तीर्थबहादुर गौतम, वीरेन्द्रनगरका बासुदेव जिसी, पञ्चपुरीका मनरुपी सुवेदी, चौकुनेका पुष्कलप्रसाद खनाल, मुगु सोरुका बाली जैसी, महाबु दैलेखका जयन्ती सिंह, दुल्लुका गायत्री उपाध्याय र कालीकोट रास्कोटका परिमल कामी छन्।
उनीहरुलाई जनही रु २५ हजारदेखि ४० हजारसम्म प्रदान गरिएको थियो। यस्तै,मन्त्रालयको हवाई उद्धार सेवाअन्तर्गत गत आर्थिक वर्षमा १० गर्भवतीको उद्धार गरिएको छ।
Leave a Reply