३० प्रतिशतमा मधुमेहको समस्या

हेल्थ टुडे,काठमाण्डौ,२८ कार्तिक : महिला र मधुमेह हाम्रो अधिकार स्वस्थ भविष्य भन्ने मूल नाराका साथ मगंलबार नेपालमा पनि विभिन्न कार्यक्रम गरी विश्व मधुमेह दिवस मनाईएको छ । मधुमेह दिवसकै अवसर पारी काठमाण्डौ डाइविटिज एण्ड थाइराइड सेन्टर र अल्का अस्पताल जावलाखेलले निःशुल्क स्वास्थ्य परीक्षण,जनचेतनामुलक ¥याली तथा अन्तरक्रिया कार्यक्रम गरेको छ ।

उक्त ¥यालीमा मधुमेह सम्वन्धी जनचेतनामुलक प्लेकार्ड प्रदर्शन गरिएका थिए । आजै करिव ५०० जना भन्दा बढीको निःशुल्क स्वास्थ्य परीक्षण गरीएकोे अल्का अस्पतालका अध्यक्ष कुमार थापाले जानकारी दिए । शिविरमा आउने झण्डै ३० प्रतिशत व्यक्तिहरुलाई मधुमेह देखिएको डाइविटिज एण्ड थाइराइड बिशेषज्ञ डा.अंशुमाली जोशीले बताए । पछिल्लो समय नेपालमा अव्यवस्थित खानपिन तथा शारिरीक व्यायामको कमीले मधुमेहको समस्या बढ्दै गएको पाईएको छ ।