पूर्व स्वास्थ्य मन्त्री पोखरेलको ह्याट्रिक

हेल्थ टुडे

काठमाडौं, २५ मंसिर : पूर्व स्वास्थ्य मन्त्री गिरिराजमणि पोखरेलले तेश्रो पटक जित हासिल गर्दै ह्याट्रिक गरेका हुन् । विना विभागिय मन्त्री समेत रहेका एमाओवादीका नेता पोखरेल महोत्तरी क्षेत्र नम्बर १ बाट २३ हजार ७७६ मतका साथ प्रतिनिधिसभा सदस्यमा निर्वाचित भएका हुन् । यस अघि उनी २०६४ को संविधानसभा र २०७० को दोश्रो संविधान सभामा पनि गृह जिल्ला महोत्तरीबाटै बिजयी भएका थिए । तिन पटक स्वास्थ्य मन्त्री भइसकेका पोखरेलले आफू मन्त्री हुदा नेपालमा निशुल्क स्वास्थ्य सेवा, निशुल्क प्रसूति सेवा जस्ता जनहितका काम गरेकाले उनलाई सफल स्वास्थ्य मन्त्रीका रुपमा लिइन्छ । शेरवहादुर देउवा नेतृत्वको सरकारमा समेत पछिल्लो पटक स्वास्थ्य मन्त्री बनेका पोखरेल चुनाव अगाडि बनेको बाम गठबन्धनका कारण प्रधानमन्त्रीले उनी सहित एमाओवादीका सबै मन्त्रीलाई विना विभागिय मन्त्री बनाएका थिए । एमाओवादीबाट सधै उनलाई संभावित स्वास्थ्य मन्त्रीका रुपमा हेर्ने गरिन्छ ।