स्वास्थ्य प्रणाली बुझ्न पूर्व स्वास्थ्यमन्त्री थापा दक्षिण अफ्रिका

हेल्थ टुडे

काठमाडौं, २८ मंसिर पूर्व स्वास्थ्य मन्त्री गगन थापा स्वास्थ्य सम्बन्धि उच्च स्तरीय बैठकका भाग लिन दक्षिण अफ्रिका प्रस्थान गरेका छन् ।  उनी दक्षिण अफ्रिकाको जोहानेसबर्गमा भइरहेको उच्चस्तरीय स्वास्थ्य प्रणालीबारे ल्यान्सेट आयोगको विशेष बैठकमा भाग लिन त्यहा पुगेका हुन् । पूर्व मन्त्री थापाले सामाजिक संजाल ट्वीटरमार्फत आफू उक्त बैठकमा सहभागी भएको पोष्ट गरेका छन् । यो आयोगमा संसारभरिबाटै नीतिनिर्माता र स्वास्थ्यप्रणालीका जानकारहरु सहभागी रहेका छन् । आयोगले निम्न र मध्य आय भएका देशहरुका लागि स्वास्थ्य प्रणालीको गुणस्तरमा काम गर्ने गरेको छ । स्वास्थ्यमन्त्री भएका बेला स्वास्थ्य क्षेत्रमा थापाले गरेको कामको प्रसंसा र मुल्यांकन गर्दै आयोगले थापालाई आमन्त्रण गरेको हो । थापा ६ महिना पहिले स्वास्थ्य मन्त्री थिए ।