ओम हस्पिटलले भित्र्यायो एक दर्जन थप विशषेज्ञ

हेल्थ टुडे,

काठमाडौं : राजधानीको चावहिलस्थित ओम हस्पिटल तथा रिसर्च सेन्टरले आफ्नो सेवालाई अझ प्रभावकारी बनाउन विभिन्न विधाका एक दर्जन चिकित्सक भित्र्याएको छ ।  हस्पिटलमा आयोजित एक कार्यक्रममा हस्पिटलका अध्यक्ष समेत रहेका वरिष्ट स्त्री रोग विज्ञ डा. भोला रिजाल सहित संचालक समितिका सदस्यहरुले ती चिकित्सकहरुलाई स्वागत  गरेका छन् । कार्यक्रमलाई सम्बोधन गर्दै हस्पिटलका अध्यक्ष डा. रिजालले समय सापेक्ष रुपमा हस्पिटलको सेवा तथा गुणस्तर विस्तार गर्ने क्रममा विभिन्न विधाका थप विशेषज्ञ चिकित्सहरुबाट सेवा सुरु गरिएको बताए । हस्पिटलका प्रबन्ध संचालक बाबुकाजी कार्कीले गुणस्तरीय स्वास्थ्य सेवा प्रदान गर्न ओम हस्पिटल सधैं प्रतिबद्ध रहेको दावी गरे । ओम हस्पिटल तथा रिसर्च सेन्टरमा मुटुरोग विशेषज्ञको रुपमा डा. अमित श्रेष्ठले सेवा सुरु गरेका छन भने न्यूरो सर्जरीतर्फ डा. गोपाल सेढाई, डा. अमितबहादुर प्रधानाङ्ग र डा. रामकुमार श्रेष्ठले सेवा सुरु गरेका छन् । क्रिटिकल केयरतर्फ डा. प्रमेश सुन्दर श्रेष्ठ र डा.  रुपेशकुमार गामी भित्रिएका छन् । त्यस्तै सर्जरीतर्फ डा. प्रसन्नवीरसिंह कंसाकार, डा. विकल घिमिरे र डा. अशोक खरेल तथा इमरजेन्सी मेडिसिनतर्फ डा. शंकर राउत, डा.  धिरेन्द्रकुमार मल्ल र बालरोग विशेषज्ञको रुपमा डा. सुजितकुमार श्रेष्ठले सेवा सुरु गरेका छन् । हस्पिटलले विज्ञप्ति जारी गर्दै विभिन्न विधाका एक दर्जन चिकित्सकले सेवा सुरु गरेको जानकारी दिएको छ ।