हेल्थ टुडे,
काठमाडौं : दोश्रो बार्षिकोत्सवको अवसर पारेर ‘हाम्रो डक्टर डटकम’ ले नयाँ अनलाइन स्वास्थ्य सेवा संस्करण सुरु गरेको छ । शुक्रबार देखि उक्त संस्करण सञ्चालनमा आएको हो ।
अस्पताल तथा चिकित्सकको विवरण र स्वास्थ्यसम्बन्धी जानकारी दिने उद्देश्यले मोबाइल एप्लिकेशन र वेभसाइटका रुपमा हाम्रो डक्टर सन् २०१६ मा सुरु भएको थियो । यो पोर्टलले हाल करिब २० हजार चिकित्सकको व्यक्तिगत विवरणसहित करिव ३ सय भन्दा बढी अस्पतालको विवरण उपलब्ध गराएको छ । समाचार,सूचना तथा सहजीकरणको साथै हाम्रो डक्टरले नेपालमै पहिलो पटक हाम्रो डक्टर डटकम र मोबाइल एप मार्फत अनलाइन स्वास्थ्य सेवा सुरु गरेको हेल्दीलाइफ फाउण्डेशनका अध्यक्ष एवं सिइओ उद्धवराज भेटुवालले बताए ।
भेटुवालका अनुसार हाम्रो डक्टरको प्रयोगबाट प्रयोगकर्ताहरुले अनलाईन खाता बनाएर चिकित्सकहरु छानेर उनीहरुसँग सःशुल्क तथा निःशुल्क परामर्श लिन सक्नेछन् । त्यस्तै, अस्पतालका सेवा बूक गर्न सकिने, आफ्ना मेडिकल रिपोर्टहरु सुरक्षण गर्न सकिने, सेवाबापत अनलाईनबाटै पैसा तिर्न सकिने लगायत विशेषताहरु मोबाइल एप र वेभसाईट हाम्रो डक्टर डटकममा थपेको गरिएको छ । वार्षिकोत्सवको अवसरमा हाम्रो डक्टरले आउँदो १५ दिन सम्म निःशुल्क चिकित्सकहरुसँग अनलाईन स्वास्थ्य सल्लाह लिन सकिने भेटुवालले जानकारी दिए ।
Leave a Reply