हेल्थ टुडे,
मोरङ, ११ वैशाख ः मोरङको पथरी शनिश्चरे नगरपालिकामा ८० वर्ष उमेर पुगेका वृद्धवृद्धालाई घरमै स्वास्थ उपचारको थालिएको छ । ८० वर्ष माथिका ज्येष्ठ नागरिकका लागि घर घरमा स्वास्थ्य परीक्षण कार्यक्रम अन्तर्गत सोमबार तीनवटा वडामा स्वास्थ्य परीक्षण थालिएको हो ।
स्वास्थ्य शाखाको आयोजनामा नगरको वडा नम्बर २, ३ र १० मा परीक्षण थालिएको स्वास्थ्य संयोजक मुरारी आचार्यले जानकारी गराउनुभएको छ । वडाका जनप्रतिनिधिको पनि उत्साहजन सहभागिता भएको कार्यक्रममा २ र १० नम्बर वडामा १०, १० जना र ३ नम्बर वडामा छ जनाको स्वास्थ्य परीक्षण भएको छ । स्थानीय सरकारले यस्तो कामको थलानी गरेकोमा स्थानियवासी हर्षित छन ।
ज्येष्ठ नागरिकको रक्तचाप, मधुमेह, कानको जाँच, अक्सिजनको मात्रा, नाडीको गति, श्वासप्रश्वास दर, शरीरको तापक्रम, तौलको परीक्षणका साथै खाँदै गरेका औषधि सहितका स्वास्थ्य सल्लाह प्रदान गरिनेछ । स्वास्थ्य संस्थामा उपलब्ध हुने औषधि पनि आवश्यकता अनुसार सँगै प्रदान गरिएको छ ।
प्रत्येक वडामा प्रत्येक महिना एक साताको अवधि छुट्याएर यस्तो चेकजाँच गरिनेछ । ज्येष्ठ नागरिकको स्वास्थ्यसँग नगरपालिका नामक कार्यक्रम अन्तर्गत निर्दे्शिका समेत निर्माण गरी काम थालिएको हो । यो कामको उद्घाटन भने नयाँ वर्षको अवसर पारेर वैशाख १ गते भएको थियो ।
नगरपालिकाले १ नम्बर प्रदेश भरि उपचार गर्न वर्षमा एकपटक अस्पतालसम्म पु¥याउन एम्बुलेन्स सेवा निःशुल्क उपलब्ध गराउने क्रार्यक्रमको थालनी वडा नम्बर ३ का ८४ वर्षीय तुलाराम बजगाईंबाट शुरु गरिदैछ । हाल उहाँलाई मुटुको गतिमा समस्या देखिएकाले विराटनगरको नोबेल अस्पतालमा रेफर गरि उपचार भैरहेको छ ।
(रासस)
Leave a Reply