हेल्थ टुडे,
काठमाडौं, १९ साउन : नेपालमा स्वास्थ्य पर्यटनको विकास गर्ने उद्देश्यका साथ राजधानीमा यही साउन २१ र २२ गते ‘मेडिकल टुरिजम एशिया एक्स्पो’ आयोजना हुने भएको छ । बबरमहलस्थित कार्की बैंक्वेटमा हुने एक्स्पोमा नेपाल सहित भारत, बंगालादेश, सिंगापुर, थाइल्याण्ड लगायत देशका अस्पताल, औषधि कम्पनी र सर्जिकल इक्युप्मेन्ट कम्पनीले आफ्नो सेवा र उत्पादन सम्बन्धी स्टल राख्ने छन् ।
आयोजक एक्स्प्लोर प्रोडक्टिभ चेम्बर अफ कमर्श नेपालका अध्यक्ष कृष्ण पाण्डेले नेपालमा स्वास्थ्य पर्यटनको अत्यधिक सम्भावना भएकोले यसको विकास गर्ने अभिप्रायले एक्स्पो आयोजना गर्न लागिएको बताएका छन् । एक्स्पोको दोश्रो दिन स्वास्थ्य पर्यटनका अनुभवी चिकित्सक, स्वास्थ्य व्यवसायी र सरोकारवालाहरुले आफ्नो अनुभव आदानप्रदान गर्ने व्यवस्था समेत मिलाइएको पाण्डेले जानकारी दिए । एक्स्पोका प्रवन्धक अर्जुन चन्दले विदेशको तुलनामा नेपालमा उपचार सस्तो छ भन्ने सन्देश पर्यटकहरुलाई दिन एक्स्पो सफल हुने आशा व्यक्त गरेका छन् ।
Leave a Reply