हेल्थ टुडे,
काठमाडौं : विश्व बाथरोग दिवसको अवसरमा राजधानीको रोतोपुलमा रहेको नेशनल बाथरोग सेन्टरले शुक्रबार सेचतना कार्यक्रम आयोजना गरेको छ । सेन्टरले बिगत चार वर्षदेखि यस्तो कार्यक्रम वर्षेनी गर्दै आइरहेको छ । अक्टुवर १२ लाई विश्वभरि नै बाथरोग दिवसका रुपमा रुपमा मनाइने गरिन्छ । सेन्टरले आयोजना गरेको कार्यक्रममा बाथरोग विशेषज्ञहरुले बाथरोगका विविद पक्षहरुमाथि प्रकाश पार्दै समयमै बाथरोगको पहिचान गरि उपचार गर्न सकिए धेरै हदसम्म रोकथाम गर्न सकिनेमा जोड दिए ।
सेन्टरका बाथरोग विशेषज्ञ डा. विनित बैद्यले बाथरोग दीर्घकालिन रोग भएकाले यसप्रति सत्य, तथ्य सचेतना आवश्यक रहेको बताए । बेलैमा सहि पहिचान गर्न सकिए थप संक्रमणबाट जोगाउन सकिने दावी गर्दै डा. बैद्यले बाथरोग विज्ञहरु मार्फत सेवा दिन आग्रह गरे ।
नेशनल बाथरोग सेन्टरका प्रबन्ध निर्देशक रोशन कक्षपतिले जुनसुकै बाथरोगको उपचारका लागि सेन्टरका विज्ञहरु सक्षम भएको बताउदै बाथरोगको उपचारका लागि विदेश जानु पर्ने अवस्था नभएको दाबी गरे । बाथका विरामीको बढ्दो चाप र आवश्यकता अनुसार सेन्टरले दोश्रो इकाई पनि स्थापना गरेको जानकारी दिए । कक्षपतिका अनुसार इकाई एकको नेतृत्व डा. वैद्यले गरिरहेको र ईकाई दुईको नेतृत्व बाथरोग विशेषज्ञ डा. स्वेता नकर्मीले गरेर उपचार सेवा दिई रहेकीछिन् ।
कार्यक्रममा डा. नकर्मीले बाथ बढ्दो उमेरसँग बढ्दै जाने रोग भएकाले सचेतना र परीक्षण आवश्यक रहेको बताइन । बाथ रोगीले लामो समयसम्म औषधि खानु पर्ने बताउदै डा. नकर्मीले बिचमै औाषधि सेवन गर्न छोड्ने प्रवृतिका कारण समस्या देखिने गरेको अनुभव सुनाइन । कार्यक्रममा सेन्टरका प्रवन्ध निर्देशक कक्षपतिले बाथरोग प्रति सचेतना जगाउन सेन्टरले उपत्यका सहित देशका भिन्न भिन्न स्थानमा निशुल्क स्वास्थ्य सिविर सञ्चालन गर्ने योजना रहेको जानकारी दिए ।
Leave a Reply