जोन्सन कम्पनिबाट क्यान्सर पीडित महिलाले करिब ३ करोड डलर क्षतिपूर्ति पाउने

हेल्थ टुडे,
एजेन्सी,१ चैतः जोन्सन एण्ड जोन्सन्स कम्पनिको बेबी पाउडरविरुद्ध मुद्दा हालेकी एक पीडित महिलाले क्षतिपूर्ति स्वरुप २ करोड ९० लाख डलर पाउने क्यालिफोर्नियाको अदालतले फैसला गरेको छ ।

जोन्सनको सो उत्पादनले आफूलाई टर्मिनल क्यान्सर गराएको दाबी गर्दै उनले गत जनवरी ७ मा कम्पनीविरुद्ध मुद्दा हालेकी थिइन् ।
१९६० र १९७० मा जोन्सनको बेबी पाउडरको प्रयोगले नै आफूलाई २०१७ मा ‘मेसोथेलियोमा’ क्यान्सर लागेको उनको दावी छ ।

यसरी नौ हप्ता लामो ट्रायलपछि अदालतले सुनाएको सो फैसलाप्रति जोन्सनले भने निराशा भएको प्रतिक्रिया दिएको छ । विश्वको सबैभन्दा ठूलो केयर कम्पनी भएपनि पछिल्लो समय यसको बेबी पाउडरमा मिसावट भएको आरोप लागेपछि जोन्सन ठूलो विवादमा फसेको छ ।

हाल जोन्सन विरुद्ध १३ हजार भन्दा बढी यप्रिकारका मुद्दा जारी गरिएको छ । तर कम्पनीले भने आफ्ना उत्पादने कुनै क्यान्सर नगराउने दाबी गर्दै परिक्षणमा पनि कुनै क्यान्सरजन्य पदार्थ फेला नपरेको जिकिर गरेको छ ।