हेल्थ टुडे,
काठमाडौ,८ चैतः मन्त्रिपरिषद्को बैठकले स्वास्थ्य बीमा नियमावली पारित गरेको छ। सुचना तथा सञ्चारमन्त्री गोकुल बास्कोटाले बिहिबार सिंहदरबारमा आयोजित पत्रकार सम्मेलनमा स्वास्थ्य बीमा नियमावली पारित गरेको बताएका हुन्।
गत सोमबार बसेको मन्त्रिपरिषद्को बैठकले स्वास्थ्य बीमा नियमावली पारित गरेको भएपनि बिहिबार मात्र निर्णय सार्वजनिक भएको हो । संविधानको भाग ३ अन्तर्गत मौलिक हक कर्तव्य अन्तर्गतको धारा ३५ मा स्वास्थ्य सम्बन्धी हक कायम गरिएको छ।
त्यसको उपधारा १ मा प्रत्येक नागरिकलाई राज्यबाट आधारभूत स्वास्थ्य सेवा निःशुल्क प्राप्त गर्ने हक हुनेछ र कसैलाई पनि आकस्मिक स्वास्थ्य सेवाबाट वञ्चित गरिने छैन भनी उल्लेख गरिएको छ।
त्यस्तै चिकित्सकीय कानुनी (मेडिको लिगल) सेवा सञ्चालन निर्देशिका, २०७५ पनि मन्त्रिपरिषद बैठकले स्विकृत गरेको छ ।
Leave a Reply