हेल्थ टुडे,
सल्यान,१९ जेठः सल्यानको कपुरकोट गाउँपालिकाले आयोजना गरेको निःशुल्क आँखा शिविरमा ६ सय भन्दा बढी स्थानीयले सेवा लिएका छन् । निःशुल्क आँखाको जाँच, चश्मा र अप्रेशन सेवा पाएपछि गाउँपालिकाका विरामी खुसी भएका छन् । गाउँपालिकाको आयोजना र नेपाल नेत्र ज्योती संघ, राप्ती आँखा अस्पताल तुलसिपुर दाङको प्राविधिक सहयोगमा शनिबार सञ्चालन भएको निःशुल्क शिविरमा सेवा पाएका स्थानीय खुसी भएका हुन् ।
उनीहरुले आफ्नै ठाउँमा उपचार पाउँदा स्थानिय सरकार आफुहरुसंग रहेको महसुस भएको बताए । विपन्न जनताहरुको स्वास्थ्य अवस्थालाई मध्यनजर गरी स्वास्थ्य शिविर संचालन गरिएको गाउँपालिकाले जनाएको छ । शिविरमा ६ सय ४ भन्दा बढिले लाभाम्वित भएको गाउँपालिकाले जनाएको छ ।
दृष्ट्रिविहिनको आँखाको ज्योती फर्काउने उद्देश्य अनुरुप संचालन गरिएको शिविरमा ६६ जना बढि मोतीयाविन्दुको समस्याबाट ग्रस्त भएका विरामी भेटिएका छन् । शिविरमा आँखामा मासु पलाएको, आँखा पाक्ने, दृष्ट्रि दोष जस्ता समस्या भएका विरामीहरु आएका थिए । मोतियाविन्दुको अप्रेशन गर्नुपर्ने विरामीको अप्रेशन खर्च पनि गाउँपालिकाले नै ब्यहोरेको छ । साथै उनीहरुलाइ अप्रेशनका लागी आँखा अस्पतालसम्म पुर्याउनका लागी गाउँपालिकाले नै एउटा एम्बुलेन्स सहित दुई वटा गाडीको ब्यवस्था गरेको छ ।
Leave a Reply