हेल्थ टुडे,
काठमाडौ,२० कात्तिकः मेडिकल कलेजले अवैध रकम असुलेको विरोधमा चिकित्सा शिक्षाका विद्यार्थीहरुले राजधानी केन्द्रित आन्दोलन सुरु गरेका छन् । चिकित्सा शिक्षाको एमबीबीएस तहको शुल्क सरकारले तोकेभन्दा बढी लिएपछि करिब तीन महिनादेखि आन्दोलनरत विद्यार्थीहरुले मंगलबारबाट राजधानी केन्द्रित आन्दोलनमा सुरु गरेका हुन् ।
चितवन मेडिकल कलेज, नेशनल मेडिकल कलेज, युनिर्भसल मेडिकल कलेज, गण्डकी मेडिकल कलेजलगायतका विद्यार्थीहरुले सरकारले तोकेको भन्दा बढी असुल गरेको रकम मेडिकल कलेजले फिर्ता गनुपर्ने, विद्यार्थीलाई मानसिक तनाव दिन नपाउने र परीक्षा सार्नुपर्ने लगायतका माग राख्दै आएका थिए ।
तर, सोमबार चिकित्सा शास्त्र अध्ययन संस्थान (आईओएम) ले अर्को निर्णय नभएसम्मका लागि २० गते हुने भनिएका सम्पूर्ण नियमित र पुन.परीक्षा स्थगन भएको र संशोधित परीक्षा तालिका यथाशिघ्र प्रकाशनमा ल्याइने व्यहोरासमेत सबैलाई सूचित गर्ने सूचना जारी गरेको छ ।
सरकारले नयाँ शैक्षिक सत्र २०७६–७७ का लागि चिकित्सा शिक्षाको स्नातक तहअन्तर्गत एमबीबीएस र बीडीएस कार्यक्रमका लागि उपत्यकाभित्र एमबीबीएस अध्ययन गर्न रु ४० लाख २३ हजार २५० र उपत्यका बाहिर रु ४४ लाख ३६ हजार २५ शुल्क आयोगले निर्धारण गरेको छ ।
मेडिकल कलेज सञ्चालकले गुण्डा लगाएर कुटपिट गरेको, सरकारले कलेज सञ्चालकलाई कारबाही गर्नुको सट्टा उल्टै पुरस्कृत गरेको आन्दोलनरत विद्यार्थीको आरोप छ ।
Leave a Reply