उदयपुरमा मात्र २८ जनालाई कोरोना संक्रमण, कुल संक्रमितको संख्या ४७ पुग्यो, ९ जना निको भएर फर्के

हेल्थ टुडे,
काठमाडौं, ११ बैसाख : नेपालमा कोरोना भाइरस संक्रमितको संख्या ४७ जना पुगेको छ । ती मध्ये ९ जना निको भएर घर फर्किसकेका छन भने ३८ जनाको देशका विभिन्न अस्पतालमा उपचार भइरहेको छ । स्वास्थ्य तथा जनसंख्या मन्त्रालयका प्रवक्ता डा. विकाश देवकोटाका अनुसार बैसाख ११ गते थप दुई जनामा संक्रमण देखिएको हो । उदयपुरमा थप एक जनामा कोरोना संक्रमण देखिए पछि उदयपुमा संक्रमितको संख्या २८ पुगेको छ । त्यसमध्ये आधा भन्दा बढी भारतीय नागरिक छन । त्यसैगरि जनकपुरमा पनि एक जनामा कोरोना पोजेटिभ देखिएको छ । उदयपुरकी ५५ बर्षिय महिला र जनकपुरका १४ बर्षिय पुरुषमा कोरोना संक्रमण देखिएको छ । प्रवक्ता देवकोटाका अनुसार आजै पाटन अस्पतालमा उपचार गराइरहेका पेप्सीकोलामा दुई जना संक्रमित निको भएर घर फर्किएका छन । पेप्सीकोलाका ५८ बर्षिय पुरुष र ८१ बर्षिय महिला निको भएर घर फर्किएका हुन । यस भन्दा अगाडि टेकु अस्पतालबाट दुई, सेती प्रादेशिक अस्पताल कैलालीकाट तिन जना र धउलागिरी अस्पताल बाग्लुडबाट दुई जना गरि ७ जना डिस्चार्ज भइसकेका छन ।