हेल्थ टुडे,
काठमाडौं, २० असार : नेपाली कांग्रेसका केन्द्रीय सदस्य एवं पूर्व मन्त्री रमेश लेखकले जन्मथलो बैतडीका स्वास्थ्यकर्मी र सुरक्षाकर्मीहरुका लागि २० थान स्वास्थ्य सुरक्षा सामाग्री (पीपीई ) सहयोग गरेका छन ।
कांग्रेस नेता लेखकले पठाएका स्वास्थ्य सुरक्षा सामाग्री पीपीई नेपाली कांग्रेस बैतडीद्वारा प्रमुख जिल्ला अधिकारी मोहनराज जोशी मार्फत जिल्ला प्रहरी, ससस्त्र प्रहरी, जनस्वास्थ्य कार्यालय र दशरथ चन्द नगरपालिका प्रत्येकलाई ५ । ५ थान बितरण गरिएको नेपाली कांग्रेस बैतडीका उप सभापति चतुरबहादुर चन्दले जानकारी दिए । सहयोग सामाग्रीहरु जिल्ला प्रहरी कार्यालय बैतडीका प्रमुख प्रहरी नायव उपरीक्षक नारायण अधिकारी , शसस्त्र प्रहरी बल ५१ नम्बर गुल्मका गुल्मपती शसस्त्र प्रहरी नायब उपरीक्षक अमित सिंह , दशरथ चन्द नगरपालिका निमित्त कार्यकारी प्रमुख बिक्रमबहादुर चन्द र जिल्ला जनस्वास्थ्य कार्यालयका प्रमुख डा. वसन्त जोशीलाई प्रमुख जिल्ला अधिकारी मार्फत हस्तान्तरण गरिएको उपसभापति चन्दले जानकारी दिए ।
नेता लेखकद्वारा पठाइएको सामाग्री ग्रहण गर्दै प्रमुख जिल्ला अधिकारी जोशीले धन्यबाद ज्ञापन गर्दै महामारी रोकथामका लागि नेपाली कांग्रेसका तर्फबाट गरिएको सहयोग प्रसंसनीय रहेको र सहयोगले स्वास्थ्यकर्मी र सुरक्षाकर्मीहरुलाई थप हैसला बढाएको बताए । नेता लेखकको कञ्चनपुर क्षेत्र नम्बर ३ बाट निर्वाचन केन्द्रित राजनीति गर्ने गरे पनि उनको जन्मथलो बैतडी भएकाले उनले कर्मथलो कञ्चनपुरका लागि मात्र नभएर जन्मथलोका लागि पनि सक्दो सहयोग गर्दै आइरहेको नेता लेखकको सहयोगी एवं नेपाल बिद्यार्थी संघका पूर्व केन्द्रिय सदस्य जनक भट्टले बताए । बैतडीमा पछिल्ला दिनमा कोरोना संक्रमितको संख्या बढ्दै गइरहेको छ । स्वास्थ्य तथा जनसंख्या मन्त्रालयको पछिल्लो तथ्यांक अनुसार बैतडीमा कोरोना संक्रमितको संख्या २७५ पुगेको छ ।
Leave a Reply