हेल्थ टुडे,
काठमाडौं, ७ साउन : भारतको पहिलो कोरोना भ्याक्सिन कोभिशिल्ड प्रयोगका लागि डेढ महिना भित्रै बजारमा उपलब्ध हुने भएको छ । पुणेस्थित बायोटेक कम्पनी सीरम इंस्टीट्यूटले बनाइरहेको कोभिशिल्ड डेढ महिना भित्र सर्वसाधारणका लागि प्रयोगक गर्न बजारमा उपलब्ध गराउने भएको छ । नेशनल इम्यूनाइजेशन प्रोगामका रुपमा भारत सरकारले भारतीय नागरिकहरुलाई कोरोनाको भ्याक्सिन निःशुल्क लगाउने तयारी भएको भारतीय आधिकारिक सञ्चार माध्यमले जनाएका छन् ।
भ्याक्सिन तयारीको प्रक्रिया
पुणेस्थित सीरम इंस्टीट्यूट आफ इन्डियाका पदाधिकारीहरुले भने, भारत सरकारले हामीलाई विशेष निर्माण प्राथमिकता लाइसेन्स दिएको छ । यस अनुसार हामीले ट्रायल प्रोटोकलको प्रक्रिया तीव्र बनाएका छौँ, ताकि ट्रायल ५८ दिनमा पूरा होस् । यस अनुसार, शनिबार तेस्रो चरणको ट्रायलको पहिलो डोज दिइएको छ, दोस्रो डोज त्यसको २९ दिनपछि दिइनेछ । ट्रायलको अन्तिम डाटा दोस्रो डोज दिइएको १५ दिनपछि सार्वजनिक हुनेछ । त्यसपछि हामी कोभिशिल्डलाई व्यवसायिक प्रयोगका लागि बजारमा ल्याउने योजना बनाइरहेका छौँ । योभन्दा पहिलो भ्याक्सिनको ट्रायल पूरा हुन ७ देखि ८ महिना लाग्ने बताइएको थियो ।
१७ केन्द्रमा १६ सय जनामा ट्रायल सुरु
१७ केन्द्रहरुमा १६ सय जना मानिसहरुका बीच कोभिशिल्ड भ्याक्सिनको ट्रायल २२ अगस्टबाट नै सुरु गरिएको छ । यस प्रक्रियामा प्रत्येक केन्द्रमा करिब एकसय जनामाथि कोरोना भ्याक्सिनको परीक्षण भइरहेको छ ।
सीरम कम्पनीले एस्ट्रा जेनेकाबाट किन्यो भ्याक्सिन बनाउने राइट्स
भारतीय सञ्चार माध्यमका अनुसार, सीरम इंस्टीट्यूटले एस्ट्रा जेनेका नामक कम्पनीबाट उक्त भ्याक्सिन बनाउनका लागि अधिकार खरिद गरेको हो। यसका लागि सीरम इंस्टीट्यूटले एस्ट्रा जेनेकालाई रोयल्टी भुक्तान गर्नेछ । यसैगरी सीरम इंस्टीट्यूटले उक्त भ्याक्सिनलाई भारत र विश्वका ९२ अन्य देशहरुमा बेच्नेछ ।
भारतीय नागरिकलाई भ्याक्सिन निःशुल्क लगाइने
भारतीय केन्द्र सरकारले सीधै सीरम इंस्टीट्यूटसँग कोभिशिल्ड भ्याक्सिन किन्ने र भारतीय नागरिकहरुलाई निःशुल्क रुपमा भ्याक्सिन लगाइने संकेत दिएको भारतीय सञ्चार माध्यमले जनाएका छन्। भारत सरकारले जून २०२२ सम्म सीरम इंस्टीट्यूटसँग ६८ करोड भ्याक्सिन खरिद गर्नेछ । भारतको जनसंख्या हाल करिब एक अर्ब ३० करोड रहेको छ । सीरम इंस्टीट्यूटसँग ६८ करोड डोज खरिद गरेपछि भ्याक्सिनको बाँकी आवश्यकता पूरा गर्नका लागि केन्द्र सरकारले आइसीएमआर र भारत बायोटेकद्धारा संयुक्त रुपमा विकसित भइरहेको कोभाक्सिन र निजी फार्मा कम्पनी जाइदस् क्याडिला द्धारा विकसित भइरहेको जाइकोभ–डी को अर्डर दिन सक्ने बताइएको छ । यि कम्पनीहरुको कोरोना भ्याक्सिनको ट्रायल सफल भएको थियो ।
सीरमले प्रत्येक महिना ६ करोड डोज बनाउने
सीरम इंस्टीट्यूटले कोरोना भ्याक्सिनको ६ करोड डोज बनाउने योजना अनुसार काम गरिरहेको छ । उक्त क्षमतालाई अप्रिल २०२१ सम्म १० करोड डोज प्रत्येक महिना दिइनेछ।
विश्वको सबैभन्दा ठूलो भ्याक्सिन निर्माता सीरम
भ्याक्सिन निर्माणमा तीव्रता ल्याउनका लागि सीरमले आफ्नो प्लान्टमा परिवर्तन गरेको छ र यसका लागि मात्र २ अर्ब भारतीय रुपैयाँ खर्च गरेको छ । सीरम इंस्टीट्यूट भ्याक्सिन बनाउने विश्वको सबैभन्दा ठूलो कम्पनी हो । यो कम्पनीसँग १६५ दिनमा १ अर्ब ५० करोड भ्याक्सिन बनाउने क्षमता रहेको छ । बिल एण्ड मेलिन्डा गेट्स फाउन्डेशन सीरम इंस्टीट्यूटलाई ११ अर्ब २५ करोड भारु दिन सहमत भएको छ । ताकि यो कम्पनीले गरिब देशहरुलाई १० करोड भ्याक्सिनको निर्माण र आपूर्ति गर्न सकोस् । भारतीय सञ्चार माध्यमका अनुसार, यसको सहायतापछि सीरम इंस्टीट्यूटले एउटा भ्याक्सिनको मूल्य एक हजार रुपैयाँबाट घटाएर २५० रुपैयाँमा झारेको छ । ( एजेन्सीको सहयोगमा )
Leave a Reply