पदमराज जोशी,
ललितपुर, २ असोज : ललितपुरको लेलेमा रहेको आनन्द वन लेप्रोसी अस्पतालमा ४० शैयाको अत्याधुनिक ट्रमा एण्ड इमरजेन्सी सेन्टर स्थापना भएको छ । उक्त नव निर्मित ट्रमा एण्ड इमरजेन्सी सेन्टरको आईतबार एक समारोहबिच स्वास्थ्य तथा जनसंख्या मन्त्री भवानीप्रसाद खापुङले उद्घाटन गरेका छन् ।
दी लेप्रोसी मिसनको सहयोगमा कुष्ठरोगीहरुलाई निशुल्क गुणस्तरीय सेवा प्रदान गरिरहेको आनन्द बन अस्पतालमा बाल रोग, स्त्री रोग, प्रसूतिm हाड जोर्नी सेवासँगै ४० शैयाको ट्रमा एण्ड इमरजेन्सी सेन्टर स्थापना गरिएको हो । ट्रमा एण्ड इमरजेन्सी सेन्टरमा महिलाको लागि छुट्टै शैयाको व्यवस्था गरिएको छ । सेन्टरमा २ वटा आईसियू र २ वटा अपरेसन थिएटरको व्यवस्था गरिएको छ ।
ट्रमा एण्ड इमरजेन्सी सेन्टरको निर्माण कार्यसम्पन्न भइसकेको भए पनि उपकरण जडान गर्ने काम भइरहेकोले सञ्चालनमा आउन केही समय लाग्ने दी लेप्रोसी नेपालका कन्ट्री डाइरेक्टर शोभाकर कँडेलले जानकारी दिए । आनन्द बन अस्पतालले देश भरिका कुष्ठरोगीलाई निशुल्क उपचार सेवा प्रदान गर्नुका अलावा दक्षिणी ललितपुरको महांकाल, बाग्मती गाउँपालिकाका ग्रामिण बस्तीका बासिन्दा, लेले, चाँपागाउँ, छम्पी लगायत क्षेत्रका बासिन्दालाई स्त्री तथा प्रसूति , हाड जोर्नी, बाल रोग र आकस्मिक उपचार सेवा उपलब्ध गराउदै आइरहेको छ । १३० शैयाको यो अस्पतालमा ४० शैया ट्रमा थप भएपछि अब १७० शैयाको अस्पताल भएको कन्ट्री डाइरेक्टर कँडेलले बताए ।
ट्रमा एण्ड इमरजेन्सी सेन्टरको उद्घाटन समारोहमा बोल्दै स्वास्थ्य तथा जनसंख्या मन्त्री खापुङले कुष्ठरोगीको उपचार मात्र नभएर अन्य विरामीको उपचारमा उदाहरणीय कार्य गरिरहेकोमा आनन्द बन अस्पतालसँग सरकारले सहकार्य गरेर अगाडि बढ्न खोजेको बताए । ‘कुन मोडालिटीमा चलाउने हो ? र सरकारले कहाँ सहकार्य गर्नु पर्छ ? तपाईहरु आउनुहोस मन्त्रालय सहकार्य गर्न तयार छ , उनले भने ।
कार्यक्रममा दी लेप्रोसी नेपालका कन्ट्री डाइरेक्टर कँडेलले अस्पतालले जनताको आवश्यकता अनुसार सेवा बिस्तार गर्दै लगेको र भविश्यमा स्नायु सम्बन्धी उपचार सेवा सुरु गर्न लागेको जानकारी दिए । कार्यक्रममा एमालेका निवर्तमान सांसद नवराज सिलवाल, आइडियाका ग्लोबल कोअर्डिनेटर अमर तिमिल्सिना, दी ल्याप्रोसि नेपालका अध्यक्ष अशोक अधिकारी र ललितपुरका स्थानिय निकायका प्रतिनिधिले ट्रमा एण्ड इमरजेन्सी सेन्टर स्थापना भएपछि बिशेष गरि ललितपुरका ग्रामिण भेकका जनताले उपचार सेवा पाउने विश्वास व्यक्त गर्दै खुशी व्यक्त गरेका थिए ।
Leave a Reply