प्रसूति गृहका निर्देशक डा. अधिकारीको पदबहाली

हेल्थ टुडे,
काठमाडौं, २३ जेठ : परोपकार प्रसूति तथा स्त्रीरोग अस्पताल ( प्रसूति गृह ) थापाथलीको निर्देशकको जिम्मेवारी पाएका वरिष्ठ प्रसूति तथा स्त्री रोग विज्ञ डा. श्रीअधिकारीले मंगलबार पद बहाली गरेका छन् । स्वास्थ्य तथा जनसंख्या मन्त्री महोनबहादुर बस्नेतले गत हप्ता मन्त्री स्तरीय निर्णय गर्दै डा. अधिकारीलाई निर्देशकको जिम्मेवारी दिएका थिए । नव नियुक्त निर्देशक डा. अधिकारीलाई अस्पतालका कर्मचारी र चिकित्सकहरुले स्वागत गरेका थिए । सो अवसरमा प्रसूति गृहका निवर्तमान निर्देशक डा. पवनजंग राइमाझीको परि उपस्थिति थियो । डा. अधिकारीले आफुले प्रसूति गृहको गुणस्तरीय उपचारमा ध्यान केन्द्रित गर्ने बताए ।